DIH-p peqqissaasut itigartikkai
Peqqissaasunik pilippinerimiunik naagga, taamak Dronning Ingridip napparsimmavissuani aqutsisut decembarimi akissuteqarsimapput.
Health Care Danmark decembarip qaammataani Kalaallit Nunaanni peqqinnissaqarfiup qullersaanut saaffiginnippoq peqqissaasut pilippinerimeersut suliartorsinnaanissaat siunnersuutigalugu, kisianni neqeroorut itigartinneqarpoq, knr.gl allappoq.
Taamaattumik Health Care Danmarkip pisortaata Birger tordrupip tupigusuutigaa, peqqissaasunik amigaateqarnerujussuaq pillugu kalaallit nunaanni tusagassiorfitsigut atuarsimagamiuk.
Peqqissaasut pilippinerineersut 200-t qaammatip tulliani Thailandimi sapaatip akunneranut 30 tiimit qallunaatut ilinniartinneqalissapput. Aasaru Danmarkimut tikissapput, oqaatsinik ilinniaatigalutik napparsimmavinni sungiusaatigalugu sulissallutik, taava oktobarimi pilersaarutit malillugit danmarkimi napparsimmavinni atorfinitsinneqassapput.
Paarlaasussarsiuussisarfiup Kalaallit Nunaanni peqqinnissaqarfiup qullersaannut siunnersuuteqarsimavoq pineqartunit 30-t Kalaallit Nunaannukarsinnaasut, kisianni knr.gl naapertorlugu tamanna itigartinneqarsimavoq.