Skip to main content

DIH-p iliuuseqarnissamut pilersaarut saqqummiuppaa

Dronning Ingridip Napparsimmavisuani peqqinnissamut qullersat marlunngorpat ullaakkut ajornartorsiornerup qanoq aaqqinneqarnissaanut saqqummiussissaaq.

Marlunngorpat nalunaaqutaq qulingiluanut napparsimmavissuarmi tusagassiortunik katersortitsinermi qullersat Peqqinnissaqarfimmi pissutsit maanna atuuttut piffissamut sivikitsumut sivisuumullu qanoq iliuuseqarfigineqarnissaannik iliuuseqarnissamut pilersaarummik nassuiaateqassapput. Sulisoqarnikkut tunngasunut aammalu Dronning Ingridip Napparsimmavissuata aningaasaqarniarnikkut ajornartorsiuteqarneranut.

Iliuuseqarnissamut pilersaarummik saqqummiussisoqassaaq sapaatip akunnerani kingullermi sulisut tassanngaannaq ataatsimiinnerisa kingunerisaanik. Tamatumunnga pissutaasimavoq peqqissaasunik amigaateqarnerujussuaq, kinguneqarsimasoq immikkoortoqarfiit arlallit matunerannik aammalu pinartumik nappaateqanngitsunik aggeqqusisarunnaarnermik.

– Ajutoorluinnalerpugut, nakorsaaneq Knud Erik Kleist Sermitsiamut oqarpoq.

Sulisut 50-it missaanniittut ataatsimiinnermi peqataasut DIH-mi qullersat marlunngornermut februarip 10-annut piffissalerpaat sulisussaaleqinerup qaangerneqarnissaanut pilersaarummik saqqummiussinissaannut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER