Skip to main content

DIH-p qullersai aningaasanik amerlanerusunik ujaasipput

Ullumi nalunaaqutaq 8:30 Dronning Ingridip Napparsimmavissuani qullersat peqqissaasunut pissutsit sulisunut paasissutissiissutigaat.

Sanami sulisut 100-t sinnillit ullaaq manna katersuupput, peqqissaasunik amigaateqarnermut qullersat akissutissaat tusarniarlugu.

– Maannakkorpiaq taartaasutut sulisunik 34-inik sulisoqarpugut, tamakkulu akissaqarnitsinnit missingersuutinilu atugassarititatsinnit 16-inik amerlanerupput, ingerlatsisuunerugallartoq Anne Birkekær Kjeldsen oqarpoq. Taamaattumik inatsisartut aningaasanut ataatsimiittaliaannut aningaasanik amerlanerusunik qinnuteqarniarpugut, missingersuutitigut sippukkat matussutissaannik.

Aalajangersimasumik sulisut taartaallutillu sulisut saniatigut peqqissaasut 54-it amigaatigineqarput.

Napparsimmavissuarmi pilattaanerit ikittuinnaanerat pissutigalugu pilattaasarfinni peqqissaasut qullersat kajumissaarpaat uninngasunut immikkoortoqarfinni ikiuuteqqullugit pigaarnernillu tiguseqqullugit, taamaasillutik suleqatitik oqilisaaffigalugit.

Kajumissaarut tamanna sulisut suli qisuariarfigisimanngilaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER