Skip to main content

Ilulissani napparsimavik sipaarniuteqarpoq

Ilulissani nunap immikkoortuani napparsimavik 2,3 millioni koruuninik sipaarniuteqassaaq. Tamanna suliassanik eqquissaaq.

Millionilinnik arlalinnik sipaarniarnerup kingunerisaavaa atorfiit inuttaqanngitsut inuttalerneqannginnissaat, tamanna nakorsaanerup Eskild Boeskovip ajuusaarutigaa, knr.gl allappoq.

– Uanga takusinnaanngilara tamakku qanoq imminnut ataqatigiinnersut, uangalu isumaqarpunga inuttuttaasut silaaluusut, taamatut ingerlanerliortoqartillugu, Boeskov oqarpoq. Pakatsissutigaa paasiuminaatsillugulu Ilulissat Napparsimaviat, peqqinnissaqarfimmik aaqqissuusseqqinnermi 2008-mi aalajangerneqartutut, maanna nunap immikkoortuani napparsimavitut ingerlalersutut piumasaqaatinik naammassinninniartussaajutigaluni aamma tamatumunnga ilutigitillugu 2,3 millioni koruuninik sipaarniuteqartussanngormat.

– Tamatumuunakkut aningaasarsiatigut sipaarniuteqartariaqarpugut. Orniginngilluinnarparput soraarsitsinissaq taamaattumik misilinniarparput atorfiit inuttaqanngitsut inuttalerneqannginnissaat. Taamaaliorutta aamma suliassatsinnik annikillisaasariaqarpugut, nakorsaaneq oqarpoq.

Nutaarsiassaq nunap immikkoortuani napparsimaviulernissamut tunngasoq takkuppoq, sapaatit akunnerani kingullermi nuna tamakkerlugu napparsimavissuarmi Nuummi Dronning Ingridip Napparsimavissuani aningaasatigut ajornartorsiutit allaaserineqaqattaareersullu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER