Air Greenlandimi billetit akii nutaat
2009-ip ingerlanerani Air Greenlandimi billetit aappaluttut qorsuillu pisiarineqarsinnaajunnaassasut AG allappoq.
Air Greenlandimi billetit aappaluttut qorsuillu ukiup ingerlanerani pisiarineqarsinnaajunnaassapput.
–Akit assigiinngitsut atorlugit timmisartuunneqarnissamik atorfissaqartitsinerit pitsaanerusumik anguniarsariniarpagut, taamaaliornikkut aningaasat aasaanerinnaani taamaallaat isertinniarunnaassallugit, Air Greenlandimi tuniniaanermut nittarsaassinermullu pisortaq Christian Keldsen AG-mut oqarpoq.
Air Greenlandimut ilaasartut angalanissamut periarfissanut pitsaanerusumik takunnissinnaalersinniarlugit Air Greenlandip nittartagaani akit akikitsunut takussutissiat pilersinniarpagut, taamaaliornikkut angalanerit akikinnerpaat ujarneqarsinnaalissallutik.
Siunissami ulluni feriarfiunngitsuni angallaffiunerpaaffiungitsuni aamma angalasinnaanissaq imminut akilersinnaalertariaqarpoq. Tassa illit angalanissannut billetissat siusissukkut inniminnersinnaagukku aamma akikinnerusumik pisiarisinnaareerit.