Skip to main content

Urani pillugu Narsami isumasioqatigiittoqassaaq

Suliniaqatigiiffiit assigiinngitsut marsip naalernerani Kuannersuit pillugit ataatsimiigiaqqusipput aamma oqallitsitsiniarlutik.

Suliniaqatigiiffiit isumasioqatigiinnissamut aaqqissuussisut tassaapput IWGIA (International Workgroup for Indigenous Affairs), Narsami Uranisionermut Naaggaartut kiisalu Earth Charter Narsaq.

Taamatut aaqqissuusiniarnermut pissutaasut tassaapput illoqarfimmiut toqqissisimannginnerat ilaatigut Narsap illoqarfiata qanittuani uranimik piiaanissamik akuersissuteqarniarnermut pilersaaruteqartoqarnera pissutigalugu. Aappaatigullu Namminersornerusuniit ulloq manna tikillugu iliuuseqartoqarsimanngimmat tamakkua pillugit allanik akuleruffigineqanngitsumik oqaloqatigiittoqarnissaanut tunngatillugu, Earth Charter Narsaq tusagassiutitigut nalunaarummini allappoq.

– Aalajangiineq annertoorujussuaq pineqarmat tamannalu tamatsinnut siunissami qaqugumuluunniit sunniuteqartussaammat, taava pisariaqarpoq qulakkeerlugu anguniassallugulu nakerisarsiunngitsumik paasissutissanik tunniussisoqarnissaa tamatumani oqimaaqatigiissinneqassallutik siunnersuisussat oqartussaasuneersut imminnut attuumassuteqanngilluinartut, imaluunniit taamaassappat naalakkersuisoqarfiit tunngaviusumik assigiinngilluinnartunik anguniagaqartut. Ulloq manna tikillugu taamatut pisoqarsimanngilaq, tassami paasissutissat pisariaqartut taamaallaat suliffeqarfissuarneersuusimapput, tusagassiutitigut nalunaarummi taamatut allassimavoq.

Isumasioqatigiinnermi qitiutillugu oqallisigineqartussaq tassaavoq nunarsuaq tamakkerlugu avatangiisit pillugit oqaluuseritinniagaq, Agenda 21-mik taaneqartartoq, tamanna Kalaallit Nunaannit atsiorneqarpoq pisussaaffinngorlunilu 1992, kiisalu ICC-imit 1995 misissorneqartoq.

Pingaarnertut oqallinnissamut saqqumiussissaaq Namminersornerullutik Oqartussat pisortaanerisimasaat Kaj Kleist, oqaluuserissavaalu Angenda 21-ip ullumikkut politikikkut aalajangiiniarnermi sunniutaa. Taassuma saniatigut ilaatigut aamma saqqummiussissaaq Aqqaluk Lynge, ICC-iip Kalaallit Nunaanni præsidentia, Allan Adam, eqqilik Dene Canadameersoq aamma Lars Anders Baer Sameparlamentimeersoq.

Aaqqissuussineq tamanut ammasumik ingerlanneqassaaq Narsami avatangiiseq aamma kulturikkut illumi A-21-mi marsip ulluisa 25-aniit 28-annut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER