Skip to main content

"Orasila" suli ikkarlissimavoq

"Orasilap" kaanngartinniarnera iluatsinngitsoorpoq, annaassiniartullu tulliani ulinnissaa utaqqivaat.

Ulinninerani nalunaaquttap aqqangup qeqqata aqqanngullu akornanni umiarsuaq kalaallit angallataannik marlunnik ikiorneqarluni kaanngarniaraluarpoq. Tamannali iluatsinngitsoorpoq maannakkorpiarlu tinikkiartorpoq. Taamaattumik kaanngarniarsarinerugaluaq uleqqinnissaata tungaanut unitsinneqarallarpoq, tamannalu pissaaq arfininngornerup unnuaani nal. 23.30-p missaani, umiarsuaatileqatigiiffik M.H. Simonsen sinnerlugu Jess Myrthe nalunaarpoq.

Utaqqiisaa kalaallit angallataata Orasila oqillisarniarlugu umiarsuup usia uulia sakkutuut imarsiortut umiarsuaanut "Knud Rasmussenimut" ikaassorpaa, taanna aamma tamaaniimmat.

Tamatumunnga ilutigitillugu misissorneqarpoq umiarsuarmi uuliamik assartuumik anginerulaartumik Orasila orninneqarsinnaanersoq umiarsuaq imaarneqarniassammat.

Inuttat arfiniliusut ilaat maannakkut "Knud Rasmussenimi" issimapput qasuersaarniarlutik. Tamarmik timimikkut ajunngikkaluarput, kisianni soorunamili ikinngutimik marluk pinnerat pillugu attortisimaqaat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER