Skip to main content

Qaammammut ataatsimut ineqarnermut akiliut eqqoruk

Taanna allarpassuillu Sisimiuni unnummi kulturisiorfimmi misigisinnaavatit.

Januarip 24-ianni Sisimiuni unnummi kulturisiorfimmi sorpassuit misigineqarsinnaassapput. INI kaffillerlunilu, tiillerlunilu kaagillissaaq. Ineqarnermut tunngasunik nalorsitsaarisoqassaaq, tassani qaammammut ataatsimut ineqarnermut akiliut eqqorneqarsinnaalluni. INI ilaatigut titartakkamik filmertitsissaaq meeqqanullu titartaanermik unammisitsilluni.

Sanaartornermik Ilinniarfik unnummi kulturisiorfimmi aamma takutitassaaloqarpoq. Ilinniartut akustisk guitarerlutik erinarsorlutillu aliikkusersuissapput. Aamma breakdance-mik takutitsisoqassaaq Inuillu timersuutaanni unammisitsisoqassalluni. Aamma pisissimik piginnaassutsitit misilissinnaavatit, imaluunniit sanaartornermik ilinniarfimmi angalaarunneqarsinnaallutit.

Qatserisarfiup atortuni takutissavai, ilaatigullu qatserinermi slangit misilinneqarsinnaassapput.

Illoqarfiup katersugaasiviani illumi issunik ujaqqanillu sanaami eskimuut oqaluttuatoqaat tusarnaarsinnaavatit.

Knud Rasmussenip Højskoliani inuit pillugit filmiliaq takutinneqassaaq tamatumalu saniatigut kalaaliminernik pisisoqarsinnaassalluni. Aamma init atuartitsiviit takutinneqassapput eqqumiitsulianillu katersanik saqqummersitsisoqassalluni, aammalu savap/umimmaap meqquinik qissinermik takutitsisoqassalluni.

Unnuk Kulturisiorfik aallartissaaq nalunaaqutaq 17.00 unnuap qeqqatalu tungaanut ingerlassalluni.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER