Skip to main content

Ligami unammisartoq nunatsinneersoq nutaaq

Assammik arsarnermik piginnaasaqarluartup Akutaaneq Kreutzmannip klubbi Håndboldligami unammisartoq BSV oqaloqatigissavaa tassani siunissaqarnerluni.

Peter Sikemsen tappavani unammisartunngortuni siullersaasimavoq. Tamatuma kingorna tulliupput Hans Peter Motzfeldt, Jakob Larsen, Rasmus Larsen, Carsten Olsen, Angutimmarik Kreutzmann aamma Arqaluk Sørensen. Maannalu arfineq-pingajussaat immaqa tappavani unammisartunngussaaq.

Bjerringbro-Silkeborg-Voelimi unammisartoq piginnaasalik, 19-inik ukiulik Akutaaneq Kreutzmann tullinnguuttussanngorunarpoq. Suli tamanna nalorninartoqarpoq, BSV-lli sungiusaasuunera Carsten Albrechtsen nunanut allanut unammisartut Savalimmiunut aallanngitsiarneranni Akutaanermut saaffiginnissimavoq oqarlunilu, kalaaleq nunanut allanut unammisartoq Savalimmiunit uterpat oqaloqatigiissallutik. Carsten Albarechtsenilli oqaatigisimanngilaa suna oqaloqatigiissutigissaneritsik. Assammik arsarnerup silarsuaani periuseq nalinginnaalluinnartoq.

– Pissangajassaaq takussallugu siunissaq qanoq isikkoqarnersoq, qilanaaraaralu tusassallugu Carsten Albrechtsenip suna pillugu oqaloqatigerusunneraanga, Akutaaneq Sermitsiaq.gl-imut oqarpoq.

Akutaaneq Kreutzmann, Angutimmarik Kreutzmannip nukaa, ukiup ingerlanerani BSV-p unammisartui kakkannerit canariske øer-imi Lanzerote-mi La Santa Sportimi sungiusariaqatigisimavai. Ulluinnarni Akutaaneq Kreutzmann BSV-p unammisartuisa kakkannerit tulliini, qallunaat divisionianni unammisartuni, unammisartuuvoq.

Assammik arsartarnermi saniatigut Akutaaneq Kreutzmann Silkeborgimi Handelsskolimi ilinniartuuvoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER