Meeqqat kaapput
Nalunaarusiatigut arlalitsigut takuneqarsinnaavoq ilaqutareeqartoq piitsuungaaramik qitornaminnilluunniit nerisassaqartitsinngitsunik. Kaattarnerlu atugaalersimangaamat kattuffiit arlallit kalerrisaarilerput.
Annonse
Politikerit namminiilernissamik qiimmattaatiginnissimasut pissusiviusut takusariaqalerpaat. Piitsuussuseq malunnarsigaluttuinnarlunilu ilaqutariippassuit kaattarnerat nalunaarutigineqartalermat kalerrisaarisoqalerpoq. Inuiaqatigiit tamarmik eqqugaapput.
– Meeqqat pissaaleqisinneqartarnerat tusarlugu annilaarnartuuvoq, isumaginnittoqarfinni pisortat siulittaasuat oqarpoq. Magga Fencker Ilulissani isumaginnittoqarfimmi pisortaavoq.
Kattuffiit ajornartorsiut annertusiartuinnarnerarpaat.
–Pingaartumik juulleriartornerani ilaqutariippassuit nerisassanut pingaartumillu juullimi tunissutissanut akissaqanngitsut saaffiginnittarput, KNAPKp direktøria John Biilmann oqarpoq.
Pingaarnerutitaq allaaserisallu sinnera Sermitsiami nutaami atuakkit.