Skip to main content

K: Inatsisit naleqqussarlit

Kattusseqatigiit Partiiata UNICEF-ip akuliunnera iluaraa.

- Qujanaqaaq UNICEF maanna meeqqat ilaasa atugarliornerat pillugu akulerukkami, tassami naalakkersuisut suliassamik ingerlatereernerarlutik oqalunnerat naammanginanngilluinnarpoq, pissutsit qangarsuarli ilisimaneqartut misissorneqartuaannarsinnaanngillat, taamaassimassappat naalakkersuisut sinipput pissutsinillu takunnissinnaanatik.

Kattusseqatigiit siulittaasuat Anthon Frederiksen taama allappoq, nunatsinni meeqqat pissarliortut oqallisigineqarnerannut akuliulluni.

Tikkuarpaa Inunninnik Isumaginninnermi Maalaartarfik periarfissatut oqaatigineqartartoq, kisianni maalaartarfik suliassaminik kinguaattooqqavoq - allaat maalaaruteqartut ukiunik ikinnerpaamik marlunni suliassat suliarineqarnerannut utaqqisariaqartarlutik.

- Maannakkut takuinnarsinnaavarput nunaqarfiit ilaanni tunisassiorfiit matooraqqinneqaqqilerput. Angajoqqaarpassuit suliffissaaruttussaapput aningaasarsiorfeerullutillu - kikkut tassani eqqungaassappat? Aasimmiaasit meeqqat.

- Ikiuisarnermi inatsisit pissutsinut piviusunut naapertuunnerusunngorlungit iluarsartuuttariaqarput - misissuijuaannartoqarsinnaanngilaq - suut tamarmik takunnissinnaasunut ersipput – naalakkersuinikkut iliuuseqarnissaq kisimi amingaataavoq, Anthon Frederiksen allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER