Skip to main content

Orasila kaanngarpoq

Umiarsuup uuliamik assartuutip 17. januaari 2008 nalunaaqutaq 23.45 nalunaarutigaa ikkarlummiik kaanngarluni. Orasila nammineerluni Qaqortumut ingerlaarpoq tamaani ajutoornermut tunngatillugu imarsiornermi inatsisit tunngavigalugit killisiuisoqassaaq.

Kaanngartitsinissaq anguniarlugu ullup ingerlanerani gasuulia 163 tonsit, Orasilap tankiiniittoq nussorneqarpoq. Taamatut usinik nussuinissamut Kalaallit Nunaanni politiit sumiiffiup eqqaaniittunik ikiortissarsiorsimapput.

Ulinnissaa nalunaaquttap akunnerata affaanik sioqqullugu nal. 23.21 politiit angallataata Sisak III-p, angallatinik allarnik ikiorteqarluni Orasila kaluserluni ikarlummiit kaanngartinniarsarilerpaa.

Nalunaaquttap akunnera ataaseq ingerlareersorlu paasinarsivoq Orasila ikkarlummiit kaanngartinneqarsinnaanngitsoq. Tamatuma nalaani DMI-mit kalerriunneqarpoq, tulliani ulinissaat suli nallinngitsoq sumiiffimmi sila malunnaatilimmik allanngussasoq ajoraasuartaneratalu 25 sekund-meterit tikittalissagai.

– Namminersornerullutik Oqartussanit akuersissummik pereernikkut, aalajangerneqarpoq gasuuliap ilaa suli umiarsuup tankiiniittoq imaanut kuutsinneqassasoq, taamaaliornermut pissutaavoq annertuumik avatangiisip mingutsinneqarsinnaanera pinngitsoorniarlugu. Taamaalineranimi umiarsuup qanoq pinissaa nalorninarsivoq, sila ullup unnuallu ataatsip ingerlanerani ajorsiartuinnartussaavoq, umiarsuarlu ikkarlisimaannassaguni ajunaarsinnaanera ilimanarsinnaavoq, taamaattoqassagaluarpallu Orasilap usigisai sinneruttut 1.764 tonsit gasuulia, timmisartut orsussaat, smøreoliealu tamarmik maangaannaq aniassagaluarmata, vicepolitimester Morten Nielsen nalunaarpoq.

Taamaattumik gasuulia maangaannaq aniatinneqarpoq, tamatumunngalu atatillugu umiarsuaatileqatigiiffimmit ilisimatitsissutigineqarpoq gasuulia 41 tonsi avatangiisimut aniatinneqarsimasoq.

Qaqortumi Qatserisartut avatangiisimik mingutsitisoqarnissaanut sillimaniartuusut, annaassiniarnermilu najuuttut maannakkut nalilersorpaat mingutsitsinermut akiuiniarluni qanoq iliortoqassanersoq, iliuusissallu suut aallartinneqassanersut. Politiit angallataat Sisak III, periarfissarisinnaasani tunngavigalugu tamatumunnga atatillugu avatangiisit pillugit oqartussaanut ikiuutissaaq.

Suli maannakkumut politiit Søfartsstyrelsen suleqatigalugu ajutoorneq ajunaarnermik kinguneqartoq kiisalu ikkarlinneq misissuiffigaat. Tamatumunngalu tunngatillugu aamma Qaqortup eqqartuussiviani imarsiornermi inatsisit tunngavigalugi killilsiuisoqassaaq.

Tamatumunnga tunngatillugu Orasila Søfartsstyrelsenimit peqquneqarpoq Qaqrtumiiginnassasoq namminneq tikinnissartik utaqqillugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER