Skip to main content

Meeqqat kaannerat Nunatsinnut akisoorujussuusinnaavoq

Konservativet Kalaallit Nunaannut tunngasunik oqaaseqartartua Per Ørum Jørgensen siunnersuuteqarpoq bloktilskudip ilaat 35 millioni koruunit immikkut atugassanngortinneqassasut, qulakkeerniarlugu kalaallit atuartut ullormut marloriarlutik nerinissaannut neqerooruteqarnissamut, tamatumuunakkut qulakkeerniarlugu kaattoqannginnissaa.

Danmarkip ukiuni qulikkaartuni ileqqorisimasani atorunnaartariaqarpaa kalaallinullu piumasaqaateqartalerluni, taamaaliornikkut ukiut tamaasa bloktilskudi tunniunneqartartoq aatsaat tamakkerlugu tunniunneqartalersillugu.

Taamatut sakkortutigisumik Konservativet Kalaallit Nunaannut tunngasunik oqaaseqartartua Per Ørum Jørgensen nalunaaruteqarpoq, FN-ip meeqqat pillugit suliniaqatigiiffiata UNICEF-ip ippassaq nalunaarutigereeraalu, kalaallit meeqqaat atugarisaat ima ajortigisoq allaat, Kalaallit Nunaat FN-ip Meeqqat Pisinnaatitaaffii Pillugit Isumaqatigiissutaanik unioqqutitsinerarlugu.

Berlingske Tidende taamatut allappoq.

Kalaallit atuartut klassit arfernganniit qummut akornanni misissuinerup annertuup 2007-imi ingerlanneqartup ilaatigut takutippaa, atuartut 17 procentii »akuttunngitsumik imaluunniit tamatigut kaallutik innartartut imaluunniit atuariartortartut angerlarsimaffimminni nerisassaqanngimmat«.

Per Ørum Jørgensenip siunnersuutigisaa tassarpiaavoq bloktilskudinit, ukiumut 3,2 milliard koruuniusunik, 35 millioni koruunit immikkoortinneqassasut, taakku qulakkeerniarlugit kalaallit atuartut ullormut marloriarlutik nerinissaannut neqerooruteqarnissamut, tamatumuunakkut qulakkeerniarlugu kaattoqannginnissaa.

Kalaallit Nunaanni Naalakkersuisut taamatut iliuuseqanngippata imaluunniit meeqqat peqqinnissaat qulakkeerniarlugu allatut iliuuseqanngippata, taava taakku 35 millioni koruunit bloktilskudinit ilanngaatigineqassapput, Per Ørum Jørgensenip isumaa tunngavigalugu.

Poltikerimit konservativiusumit taamatut oqaaseqarneq pivoq, piffissami sivisuumi Kalaallit Nunaanni inuit atugarisaanut tunngatillugu pakatsisimaanerup kingorna, tassami meeqqat kaattut saniatigut persuttaanerit, kinguaassititigut atornerluinerit kiisalu imminut toqoriartarnerit amerlasuut atugaapput.

- Ileqqoraarput akuliuttarnata kalaallit bloktilskudimik qanoq atuinerannut tunngatillugu. Kisianni isiginnaaginnarsinnaanngilarput pissutsit taamatut ajorsiartornerat. Matumani pineqanngillat arferit imaluunniit qimmit qimuttut, uani pineqartut tassaapput meeqqat taamaattumik akuliuttariaqarpugut. Per Ørum Jørgensen, oqarpoq.

DF-imit taperserneqarpoq

Per Ørum Jørgensenip, Dansk Folkepartimit (DF) taperserneqarnissani naatsorsuutigissavaa partiip gruppeformandia, Kristian Thulesen Dahl neriorsuivoq.

- Tamanna nutaajuvoq. Manna tikillugu isuma imaassimagaluarpoq, kalaallit akornanni pisunut akuleruttassanngitsugut kiisalu ukiumut ataasiarluta checkimik atsiuiinnartassalluta.« Kristian Thulesen Dahl, oqarpoq:

- 3,2 milliard koruuninit 35 millioni koruunit ilanngaatigalugit amerlanngillat, kisianni illorraap tungaanut alloriarneruvoq. Pissusissamisuuginnarpormi bloktilskudip, tassalu danskit akileraartartut aningaasaataasa, qanoq atorneqarnissaanut tunngatillugu piumasaqaateqarutta.«

Kristian Thulesen Dahl maannakkut statsministerimut saaffiginninniarpoq aperalugulu, Konservativet taamatut oqaaseqarnerat qanoq iliuuseqarfilersaarneraa.

Venstrep Kalaallit Nunaannut tunngasunut oqaaseqartartua, Henrik Høegh, taamak sakkortutigisumik iliuuseqarnianngilaq, tassa kalaallit aningaasassaannik arsaarniarlugit sioorasaaraluni.

- Kisianni aappaatigut aamma inooqataaffigisinnaanngilarput meeqqat danskit naalagaaffiata iluani taamak atugarliortigalutik inuussappata. Henrik Høegh, oqarpoq.

Henrik Høegh nangilluni oqarpoq pisoq Folketingip Grønlandsudvalgiani qaqinniarlugu kiisalu ataatsimiititaliami ilaasortat allat peqatigalugit Naalakkersuisut qinnuiginiarlugit pissutsinut tunngatillugu nassuiaateqassasut.

Folketingimi kalaaleq ilaasortaasoq Juliane Henningsen IA-meersoq malillugu, pisoq Kalaallit Nunaanni politikkikkut iliuuseqarnermik kinguneqartariaqarpoq.

- Arlalippassuariarluni iluuseqartoqarniartaraluarpoq, kisianni tamatigut Naalakkersuisut pisuullutik qatangiinnartarput. Neriuppunga mannakkut iluatsikkumaartoq, Juliane Henningsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER