Skip to main content

Nuuk Skynetip illoqarfimmi nettikkut attaveqaataa maajimi ammassaaq

Greenland Venture selskabimi, Tele Greenlandimut internettikkut attaveqaatinut sullissinernullu allanut unammillertussamut, aningaasaliissuteqarnerpaajuvoq.

- Naalakkersuisut qinnuteqaaterput akuerisimagaat nutaarsiassaq tusaratsigu nalissaqanngitsumik nuannaarpugut, Brian Torp selskabimi Nuuk Skynetimi pingaarnertut tunuliaqutaasut ilaat nuannaaqisoq oqarpoq.

Naatsorsuutigalugu sapaatit akunneri marluk-pingasut qaangiuppata Telestyrelsenimiit akuersissut tigujumaarlugu.

- Naalakkersuisut soorpiaat akuerisimaneraat soorpiaallu itigartissimaneraat ilisimaqqissaanngilarput, kisianni tusagassiutitigut nalunaarut tunngavigalugu (atuaruk: Kisermaassat ikilipput, aaqq.) taava maannangaaq illoqarfimmi nettikkut attavissanut atortussavut piniarsinnaalerpavut, Brian Torp oqarpoq, naatsorsuutigaalu suna tamaat maajimi piareersinnaassallugu.

Illoqarfimmi netti trådløsiusussaavoq kiisalu Nuuk tassaalissaaq nunarsuarmi illoqarfik siullerpaaq, trådløsimik akeqanngitsumik nettikkut attaveqaateqalersoq. Tamatuma kingunerissavaa illoqarfimmi sumiikkaluaraanniluunniit illoqarfimmi nettimut attavilersinnaaneq.

Nuuk Skynetip sullissinerit allat aamma neqeroorutiginiarpai soorlu makku chat, e-mail, fildeling il.il. kiisalu suliffeqarfinnut immikkut ittunik neqerooruteqarnerup Nuuk Skynettip atorneqarnissaa pilernarsisissavaat.

- Uagut sullissinerit neqeroorutigisinnaasatta illoqarfimmi netti aningaasalersussavaa, taamaalillunilu tamanut akeqassanngilaq, Brian Torp oqarpoq. Taamaattorli internetti akeqanngissanngilaq.

Inuit Nuuk Skynettimut tunuliaqutaaasut maannakkut Tele Greenlandimut, Internettimut attaviliinermut kisermaassisuusumut, isumaqatiginninniarlutik aallartissapput. Brian Torpip naatsorsuutiginngilaa kisermaassineq taanna Naalakkersuisut isummerfigisimassagaat.

- Tele Greenlandimut isumaqatigiinniartariaqarpugut uagut sullitatsinnut Internettip siammarternissaanut akigitinniagaq pillugu, uangalu soorunami neriuutigaara Telep ilumoorullugu isumaqatigiinniarnissaa, taamaalilluta aki pitsaasoq neqeroorutiginiassagatsigu.

Telestyrelsenimit naatsorsuutigineqarpoq Telep internettimik siammarterinermut kisermaassinerata atorunnaarsinnerat kinguneriumaaraa Telep Internettimik atuinermut akigititaminik appartitsinera.

Nuuk Skynetimik piginnittuuvoq MB Invest, Brian Torpip piginneqataaffigisaa. Kisianni aningaasaliissuteqarnerpaaq tassaassaaq Namminersornerullutik Oqartussat selskabiutaa aningaasaliissuteqartartoq Greenlan Venture, taassuma selskabip namminerisaminik aningaasaataasa to milionit koruunit missaaniittut 40 procentiat aningaasaliissutiginiarpaa. Selskabimi aamma tunuliaqutaapput aningaasaliissuteqartut allat 12-13-init, Brian Torp ilisimatitsivoq.

Skynet pillugu annertunerusumik atuagaqarsinnaavutit talerpiuk tungaani linki toorukku.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER