Aannguaq Carnegiep sapiitsuliortuisa akornanni

Aannguaq 13-inik ukiulik Kalaallit Nunaanni Upernavimmiu imaanut nilleqisumut pissilluni nukkani nunamut qaqippaa. Qaqereerlugu Aannguaq nammineq ilisimajunnaarpoq.

Nukappiaqqat pingasut aasaq Kalallit Nunaata avannaani Upernavimmi sissami pinnguartillugit inuunerannik naleqarsimasinnaagaluarpoq. Pinnguarlutik nukarliit marluk nalunngualersimapput, taamalu angajullersaat 13-inik ukiulik Aannguaq sapiiserluni pipallakkallartillugu tamarmik annapput. Taamaattumik Aannguaq arnat marluk angutillu 14-it Carnegiep Angaasaateqarfiata Sapiitsuliortunut Nersornaasiuttagaanik marlunngornermi nersornaaserneqartussat akornanniippoq.

Aannguup nunamiilluni qatanngunni ikinngutaalu imaani pingasuinnarnik kissassuseqartumi ilisimajunnaaqqasut takuai. Nukkani 9-nik ukioqartoq erngerluni qaqippaa, ikinngutertillu qaqinniassallugu utersimallugu. Aannguaq ajutoorpoq, ilisimajunnaarluni imaanut nakkarluni. Qujanartumilli nukaa ilisimmarsimalluni ikiortissarsiorsimavoq. Sanasup Schweizimiup Patrik Neuhäusler-ip saneqquttup nukappiaqqat takullugit imaanut aqqarluni tamaasa nunamut qaqippai. Taanna aamma Carnegiep 2008-mi sapiitsuliortuinut ilaanngutissaaq.

Sapiitsuliorsimasut 10.000 koruunit 20.000 koruunillu akornanniittunik akissarsisinneqassapput.