Kalaallit Nunaat sammineqarlualissasoq
Nalilersuisartoq hollandimiu isumaqarpoq, Kalaallit Nunaat 2009-mi sammineqarnerpaanut ilaalissasoq, tamatumani quiatsassinnaaneq sammineqarnerusunut ilaassalluni. Aamma qeersaarneq nuannaartorineqalissaaq.
Hollandimiup susoqarneranik nalilersuisartup Klaus van den Bergip ukiumi nutaami suut sammineqarnerpaassanersut JyllandsPostenimut eqqoriarpai.
– Ukiumi tulliuttumi ukiunut kingullerpaanut sanilliullugu nipituuliorfiuallaarnanilu maniguunneruneruffiussaaq. Qallikkorsiorneq puigorli. 2009-mi quiatsannartorsiorneq nuannarineqarluassaaq, Klaus van den Berg oqarpoq.
Aajunalu 2009-mi suut nuannarineqarnerpaanissaannut allattugaatai:
Imminut pingaartinniannginnissaq
Taskit angisuut
Salatit
Quiasaarutit
Quiatsannartut
Tissinartuliat
Qiit
Inuuneq ajornaatsoq
Nutaarsiassat nuannersut
Kalaallit Nunaat
Isarukitsut
Assilisittartoq tusaamasarsuaq Sessilee Lopez Lopez
Monopoly
Aajukulu Klaus van den Bergip nuannarineqanngitsussatut allattugai:
Ajutilanneq
Nammattakkat
Kulhydratit
Illinnartuliat kinguleqqiutillu
Isornartorsiuineq
Qallikkorsiorneq
Reality-shows
Coupe soleil
Sinnilimmik pigissaarluni inuuneq
Nutaarsiassat nuanninngitsut
Island
Teletubbies
TV-mi atisatigut kusanarneqqusaannerit
Roulette