Skip to main content

Persuttaanermi eqqaamasaqanngitsoq

Angutip 31-inik ukiullip atorfilimmut sulisumut persuttaasimanermut ataatsimilluunniit ilisimasaqannginnerarpoq. tigummigallagassanngortinneqarneq Nunattta Eqqartuussivianut naammagittaalliutigaa.

Dommerip Poul Christensenip Nuummi Eqqartuussivimmi ualimut tunngaviusumik killisiuineqarnerani unnerluussisussaatitaasut piumasaqaataat malinniarlugu aalajangerpaa, tassani angut 31-nik ukiulik ilaatigut oqartussaasunik sullissilluni sulisumut nakuusersimasutut unnerluutigineqarluni. Unnerluussisussaatiytaasut pioumasaqaatigaat angut ulluni 14-ini tigummigallagassanngortinneqassasoq, aammalu uppernarsaatinik saqqummiussinermini pinerluuteqarsimasunut nalunaarsorsimaffik uppernarsaatitut atorsimallugu. Nalunaarsorsimaffimmi tassani angut 31-ini ukiulik taanna ukiortaap ullaakkuani pinerliinerisa marluk saniatigut suliani 21-ini maannakkut ingerlasunik suliarineqarpoq.

Angut taanna 31-inik ukiulik nammineq oqaluttuarnera naapertorlugu aappakumini ukiortaarsioriartorluni festeriarsimavoq, tassanilu immiartorfik marlussunnik viinnisorsimalluni. Unnuaq-qeqqa qaangereeraa aappakumi angutaata biilimik angerlaassimavaa:

- Eqqaamasama tulleraa nalallunga angut qulinniittoq. Pisut sukkaqigamik.

Unnerluussisussaatitaasut politiit ulloq unnuarlu pisunut nalunaarsuiffianni allassimasumi nassuiaataat allaaneruvoq:

- Aappakuata anaanaa politiinik aggersaasimavoq, unnerluutigineqartoq festerluni kamarujussualersimammat, taamaattoqarneranullumi aggersarneqarpugut. Angut politiit biilianut inissereeripput politeeq assaagut kiivaa, peqatigitillugulu politeeq qingaatigut tillullugu, unnerluussisoq nassuiaavoq.

Illersuisuusoq nassuiaanermini tunngavilersuutitut ilaatigut oqaatigaa, uppernarsaatinik saqummiussineq amigaqalunilu tunngavissaqanngitsoq.

- Suliat 23-it pineqartut soqanngillat. Susoqarsimanera naluarput. Amigaateqarpallaaqaaq, illersuisoq oqarpoq.

Illersuisup sullitani isumasioqatigereerlugu eqqartuussut Nunatta Eqqartuussivianut ingerlateqqippaa, iperagaatinneqarnissaq piumasaqaatigalugu, unnerluussisussaatitaasut tunngaviusumik killisiuinermi aalajangiinerup atuutiinnarnissaa aalajangiusimagaat, tassa ulluni 14-ini tigummigallagassanngortitsinissaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER