Qujanaq Antuut
Ilulissani innuttaasut 300-t sinnillit maanna siornatigut borgmesteriusimasutut taagorneqalersumut Anthon Frederiksenimut silatagiaapput decemberip 31-iat.
Annonse
Killitsisimaqisoq Anthon Frederiksen Kattusseqatigiit partiianni siulittaasoq iluliarmiunut ilaat ikumatitalisartut 300-t sinnilinnut assammillugit qujallunilu ukiortaamut iserluaqqusivoq ukiutoqqami.
Silatagiaanermikkut iluliarmiut Anthon Frederiksen qujaniarfigaat 2001-imiit borgmesteritut sulisimaneranut. Maanna Ilulissat Qaasuitsup kommuneanut ilannguppoq tassanilu borgmesteri tassaalerpoq Jess Svane ukiortaaq sioqqullugu Qasigiannguani borgmesteriusoq.