Skip to main content

Niels Kreutzmann Sermersuumi qullersanngussaaq

NUTARTIGAQ: Kangia/Kitaa kommuneani ikaarsaariarnermut ataatsimiitsitaliap allaffeqarfimmi aqutsisoqatigiittussat inissitsitereerpai.

Nuummiuik Kommuneqarfik Sermersooq-mi kommunip allaffeqarfissuani pisortaaninngortussanngorpoq.

Ikaarsaariarnermut Ataatsimiitsitaliap Niels Kreutzmann pisortaanertut atorfinitseqqammarpaa.

Niels Kreutzmann Nuummi 1990-ikkunni borgmesteriusimasup Bjarne Kreutzmannip ernera angallannerup takornariaqarnerullu iluani sivisuumik sulisimavoq, ilaatigut Air Greenlandimi, Bornholmimi angallannermi. Smyrill Line-mi kingullerpaamillu angalatitseqatigiiffimmi Albatrosimi silisarsimavoq, soorli aamma Arctic Umiaq Line A/S-ip siulersuisuini siulitaasuusimalluni.

Ikaarsaariarnermut Ataatsimiitsitaliap aamma pisortat tallimat atorfinitsippai.

– Pineqarpoq kinguaariinni nikinneq, taamaaliornikkut kommunit nutarterneqarnerata piumasaqaatigisaanik nutaamik eqqarsarnissamik pilersitsisoq, taamak Kommuneqarfik Sermersooq-mi borgmesterinngortussaq Asii Chemnitz sermitsiaq.gl-imut oqarpoq.

Agguaqatigiisillugu 41-nik ukioqarput, angutit arnallu akornanni, danskit kalaallillu aamma sulisut avataaneersut illullu iluani sulisut akornanni assigiimmik agguataarneqarsimallutik.

Pisortaanerup Niels Kreutzmannip kommunip ingerlanneqarnera tamaat akisussaaffigissavaa.

Peqatigitillugu ineriartortitsinermut allattoqarfiup pingaarutillip pisortaanerup ataani inissisimasussap allaffeqarfik ilisimasanik nutaanik, suleriaatsinik nutaanik suliniutissanillu nutaanik pilersusavaa,taamalu allattoqarfiup suulluunniit nutaat pitsaasumik apuunnissaat nakkutigissallugu.

Attaveqatigiinnermut pisortap Stine Johansenip innuttaasunut kiffartuussineq, IT, nutserisoqarfik attaveqaatillu akisussaaffigissavai.

Aningaasaqarnermut inuussutissarsiornermullu pisortap Inga Fjendbo Jensenip Aningaasaqarnermut allattoqarfik, inuussutissarsiornermut ineriartortitsivik sulisoqarnerlu akisussaaffigissavai.

Atugarissaarnermut pisortap Aja Chemnitz Larsenip meeqqanut ilaqutariinnermullu tunngasut, peqqinneq pitsaaliuinerlu, pensionimut tunngaut, innarluutilinnut tunngasut aamma sulisussarsisortarnermut tunngasut akisussaaffigissavai.

Ineriartortitsinermut pisortap William Kriegelip atuarfeqarfiit, kulturimut sunngiffimmullu ingerlatsivik aamma ilinniartitaanermut qitiusumik ingerlatsivik Piareersarfik akisussaaffigissavai.

Kiffartuussinermut pisortap Thorkild Laursenip teknikki avatangiisillu, illoqarfiup inissianillu ineriartortitsineq, ingerlatsineq sanaartornerlu, pinngortitaq nungusaataannginnerlu akisussaaffigissavai.

Pisortat nutaat assingi oqaaseqaataallu talerpiatungaani takuneqarsinnaallutillu atuarneqarsinnaapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER