Skip to main content

Asssartuinermi akit qaffapput

Naalakkersuisut 2008-mi marlunngornermi novembarip 25-iani akuersissutigaat, Royla Arctic Line A/S-ip assartuinermi akinik 2009-mi januaarip 1-ianiit atuutilersumik 6 procentimik qaffaanissaa.

Akinik qaffaaneq imatut agguataarneqassaaq:

Kiffartuussinerni tamani assartuussinermi akit tamarmik 5,31 procentimik qaffassapput, uku pinnagit:

" Biilit angallatillu assartornerannut akit 10 procentimik qaffassapput

" Assartugassanut ulorianartunut assartugassanullu assartugassallu ulorianartut allat (farligt tempereret) akit 10 procentimik qaffassapput.

" Islandimiit tassungalu nassiussanik assartuinermut akit Danmarkimut nassiussanut akit annertoqataannik qaffassapput.

" Entreprenørit maskiinaasa oqimaassusiinut akitsuutit 10 procentimik qaffassapput.

Akit qaffaataasa agguataarneranni biilinut, angallatinut assartugassanullu uloriaartunut akit eqqorneqarnerpaapput, nioqqutissat allat sinneri assigiiaarnerusumik eqqorneqarlutik. Nioqqutissat ulluinnarni atortakkat ½ procentip missaannik qaffassapput, tamatumani assartuineq agguaqatigiisillugu akip qulerarterutaaniimmat.

Assersuutigalugu naatsiiat 1 kilo 18 øremik qaffassapput, kaffinilu poortaq ataaseq 6 øremik qaffassalluni, niuertarfiit iluanaarutissanut qaffaassanngippata. Illumut nutaamut sananeqarneranut aki tamarmiusoq procentip kuartia ataallugu qaffassaaq, kisianni biili nutaaq - eqqorneqarnerpaajusoq - 1.500 koruuninik akisunerulissaaq.

Assartuinermut akit kingullermik 2002-mi qaffanneqarsimasut qaffaqqinneqarput, Kalaallit Nunaanniit tassungalu umiarsuakkut assartugassat amerligaluttuinnarsimammata, assartuullu ’Arina Arctica’ 1984-imi sananeqarsimasoq atorunnaariartulissalluni. Taamaattumik Royal Arctic Line-p umiarsuarmut containerersuummut ’Mary Arctica’-mut assingi marluk sanatillugit aallartissimavai, taakkulu kalaallinut innuttaasunut ukiorpassuarni iluaqutigissavaat.

Uuliap akii pitsangortut

Uuliamut aningaasanillu aggortitsinermut tapiissutit iluarsiivigineqarnissaat assartuinermut akinut atuisartunut aningaasartuutaanngingajalluinnassaaq. Uuliap akii suli apparaluttuinnartut ungasippallaanngitsukkut atuisartunut iluaqutaalersussaapput.

Royal Arctic Line-p naalakkersuisut qinnuigeqqammerpaat uuliamut aningaasanilu aggortitsisarnermut tapiissutit 2009-mi januaarip aallaqqaataaniit atuutilersinnissaat periarfisseqqullugu, tamatumalu kingorna qaammatit marlukkaartumik. Tapiissut ullumikkut ukiup affakkaartumik nalimmassarneqartarpoq, tullianik 2009-mi martsip 1-iani.

Qinnuteqaat taanna suli suliarineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER