Skip to main content

Akinik allannguineq sunniutikippoq

Assigiimmik akeqartitsinerup atorunnaarsinneqarnerata kingunerisai pillugit nalilersuinermi erserpoq allannguineq illoqarfimmiunut iluaqutaasimasoq avinngarusimasunili najugalinnut iluarpallaarani.

Akit assigiikkunnaarnerisa inuit nunaqarfinniit nutsertissimanngilai. Aamma inuussutissarsiortut unammillersinnaassusiat sunnernerlussimanngilaa aalisakkanilluunniit tunisassiornerfiit akikinnerusunut nutsertissimanagit. Tassa isornartorsiuisut siulittuinerisut pisoqarsimanngilaq, knr.gl allappoq.

Assigiimmik akeqartitsinerup atorunnaarsinneqarnerata kingunerisai pillugit nalilersuinermi angisuumi, Attaveqarnermut Avatangiisinullu Naalakkersuisoqarfiup suliarititaani, tamakkua erserput

Akit assigiikkunnaarnissaat 2004-mi aalajangerneqarpoq, taamaalillunilu innaallagissamut imermullu akit Nunatsinni assigiikkunnaarlutik.

Tassalu tamatuma kingunerisaanik 2005-imiit 2009-imut akit aningaasartuutiviit tunngavigalugit aalajangersarneqartaleriartuaarput, taamaallaat sumiiffinni assigiinngitsuni akit qaffasinnerpaafffeqartussanngorlugit.

Naak aningaasartuutinut naleqquttunik akilersuisisitsisarnissaq siunertaagaluartoq, atuisut akornerminni imminnut suli tapiiffigeqatigiittartut, nalunaarusiami saqqummeqqammertumi inerniliunneqarpoq.

Nunatta karsia taavalu Nuummi innaallagissamik kiassarnermillu atuisut nammaqatigiinnermut akiliinerpaapput, illuanik nunaqarfinni atuisut aalisakkanillu tunisassiorfiit tapiiffigineqartarlutik

Nalunaarusiamit tamakkiisumik inerniliunneqarpoq, iluarsaaqqinneq illoqarfimmiunut iluaqutaasimasoq, illuanik nunaqarfimmut avinngarusimasunittullu akit qaffannerisigut eqqugaasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER