Issittumi ingeniørinngorniat amerliartorput

Ukiuni kingullerni marlussunni siusinnerusumit marloriaammik amerlatigisut ilinniagaqarfimmi aallartittalersimapput.

Ilinniagaqarnerup ingerlarngata ilaa Sisimiunim Artekimi ingerlanneqartarpoq. Aana illu nukissamik atuinikitsoq, ingeniøritut ilinniagaqartut suleqatigalugit sananeqarsimasoq.

- Ilinniagaqartut qallunaat kalaallillu tigusarpavut, kalaallilli ilinniagaqartut tamatigut ilinniagaqartut 75 procenterisarsimavaat, Danmarks Tekniske Universitetimi Center for Aktisk Teknologimi pisortaq Arne Villumense KNR-p radioavisianut oqarpoq.

- Ilinniagaqarneq 2001-imi aallartissimavoq ukiunilu tulliuttuni tallimani ukiumut ilinniagaqartut qulit missarpiaanniittut aallartittarsimapput. 2007-imili amerleriarujussuarput 19-it tiguneqarlutik, ukioq mannalu 20-iupput, Arne Villumsen oqarpoq.

Ingeniøritut ilinniagaqarfiup soqutigineqaleraluttuinnarnera aamma nassuaatissaqarsoraa.

- Isumaqarpunga naammassillutik ilinniagaqarsimasut inuusuttunut allanut maligassiuisutut inissisimasut. Ilinniagaqareeraangamik angerlartarput, pissutigalugu qanoq iliuuseqarusukkamik, Arne Villumsen oqarpoq.

Ilinniagaqarfimmi tiguneqartartut arnat angutillu amerlaqatigiipajaarput.

Powered by Labrador CMS