Skip to main content

Nuummi umiarsualivik nutaaq Sermersuup qulakkiissavaa

Selskabip nutaap Nuummi umiarsualivik nutaaq sanallugulu ingerlatissavaa.

Nuummi kommunalbestyrelsip kingullerpaamik ataatsimiinnermini Qeqertani umiarsualivimmik nutaamik pilersaarutit kommuninngortussamut Kommuneqarfik Sermersuumut ingerlateqqippaa, siunertaralugu aktieselskabimik, umiarsualivimmik nutaamik sanasussamik kingornalu ingerlatsisussamik, pilersitsinissamik siunertamik nalunaarummik atsioqatigiittoqarnissaa.

Aktieselskabi pigineqassaaq Royal Arctic Linemit, Ålborg Havnimit, Kommuneqarfik Sermersuumit aamma Namminersornerullutik Oqartussanit, katillugit 120 millioner koruuninik aktiatigut aningaasaateqartussaq. Piginneqatigiissutit imatut agguataarsimassapput Royal Arctic Linep Ålborg Havnillu tamarmik 20 millioner koruunit, Kommuneqarfik Sermersooq 40 millioner koruunit Namminersornerullutillu Oqartussat 40 millioner koruunit.

Nuup Kommuneata, Namminersornerullutik Oqartussat Royal Arctic Linellu ukiup affaani kingullermi umiarsualivimmut nutaamut ilersaarutip suliarinera suleqatigiissutigisimavaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER