Skip to main content

Najukkamut pituttorsimaneq atorunnaarsinneqarpoq

Jess Svane Qasigiannguani najugaqaannarsinnaavoq Ilulissanilu borgmesteriulluni.

Danmarkimi ukiuni untritilinni arlalinni najukkamut pituttorsimanerup atorunnaarsinneqarnissaa sorsuutigineqarsimasoq, Naalakkersuisut siulittaasuata naalakkersuisoqarfiani Nunap iluanut pissutsinut Siulersuisoqarnermullu Immikkoortoqarfiup ullaap tungaannaa atuinnarlugu Kalaallit Nunaanni najukkamut pituttorsimaneq atorunnaarsippaa.

Jess Svanemik oqaluttuaq, taassuma Qasigiannguani angerlarsimaffimminit Ilulissani borgmesterip allaffianut uteqattaartartussanngornera, pissutigalugu Nunap iluani pissutsinut Siulersuisoqarnermullu Immikkoortoqarfiup ingerlaannaq inatsisartut kommuninut aaqqissuusseqqinnermut inatsisaat, aamma immikkut inatsimmik taaneqartartoq, atuaqqissaaqqippaa.

Tamatumuunakkullu immikkoortoqarfik siullermik Jess Svanemut nalunaarutigineqarsimasumit allaanerusumik inerniliivoq.

Immikkut inatsimmi paragraf 4, imm. 2-mi allassimavoq: "Kommuniusimasuni tamani, kommunimut nutaamut kattuttuni, kommunip nutaap kommunalbestyrelsiani ilaasortaaffik ataaseq sumiiffimmut sinniisuussaaq".

Immikkoortoqarfimmi pisortaq Hans-Erik Bresson ullumikkut naliliivoq, aalajangersakkami siunertaasimanngitsoq sumiiffimmi sinniisut kommunerisimasaminnut, sinniisuuffigisassatut qinigaaffimminnut, pituttorsimassasut.

– Aalajangersakkami taamaallaat qulakkeerneqassaaq, kommunit 18-iusimasut ikaarsaariarnermut ataatsimiititaliani/kommunalbestyrelsini sumiiffimmi sinniisoqarnissaat. Allatut oqaatigalugu aalajangersakkakkut sumiiffimmi sinniisup qinersinerup kingorna kommunersuanngortussap iluani nuussinnaanera killilersorneqanngilaq. Taamaasiorsinnaapput sumiiffimmi sinniisut aammalu kommunalbestyrelsimi ilaasortat allat.

– Tassa imaappoq, hr. Jess Svane kommunalbestyrelsimilu ilaasortat allat kommunersuanngortussap iluani killeqanngitsumik nuuttarsinnaapput kommunalbestyrelsimi ilaasortaaffitsik annaanagu, Hans-Erik Bresson ullumikkut naliliivoq.

Immikkulli inatsit tassarpiaavoq - immikkut inatsit. Tassa imaappoq, sumiiffiit inatsimmi immikkut taaneqarsimanngitsut, suli inatsisinik allanik, soorlu qinersinermut inatsimmik kommunillu aqunneqarnerat pillugu inatsimmik suli killilersorneqarput. Killilersuineq tamanna immikkut inatsisip paragraf 2-ani allassimavoq, qinersinermullu inatsimmi kommunerisimasami najugaqarnissamik pisussaaffimmik malittarisassaq suli atuuppoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER