Skip to main content

"Kunuunnguaq" Narsarsuarmut minngitsoorpoq

Air Greenlandip timmisartorsuata "Kunuunnguaq"-p Narsarsuarmut ullumikkut minnaniluunniit utinnartariaqarsimaneranut sakkortuumik nittaallernera peqqutaavoq.

"Kunuunnguaq"-p Narsarsuarmut tikinnissaa pillugu tekst-tv-mi allagartaq pingasunngornermi ullaap-tungaa peerneqarsimavoq. Tamatumunnga nunatta kujataani mittarfeqarfimmi sakkortuumik nittaallerujussuarnera. "Kunuunnguaq" Københavnimut uterpoq, ilaasut ullaaq manna hotelimut inissinneqarallarlutik, Air Greenland ilisimatitsivoq.

Taamaattumik Air Greenland aqagu sisamanngornermi Narsuarsuarmut timmisartuussinissap saniatigut allamik timmisartuussiniarpoq. Kastrupimiit nal. 09.55 aallarluni nunatta nalunaaqutaa malillugu nal. 11.45 tikissangatinneqarluni.

Nunatta iluani timmisartuussinerit aamma silapilunneranit eqqorneqarput. Nuup, Paamiut Narsarsuullu akornanni pingasunngornermi timmisartuussinerit aamma eqqorneqarput. Nunatta kujataani qulimiguulimmiki timmisartuussinissat aamma eqqorneqarsimapput.

Taamaappoq aamma Air Greenlandip Kulusumut timmisartuussinissaralua. Air Greenlandip naatsorsuutigaa silarlunneranik peqquteqartumik sisamanngornermi aamma timmisartuussisinnaannginnissani. Air Greenlandip neriuutigaa tallimanngornermmi arfininngornermiluunniit Kulusumut timmisartuussisinnaanissani.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER