Qaamarngup inua
Meeqqat angajoqqaavilu tulluusimaartut Lucia Illernartup ullua malunnartippaat
Angajoqqaat assiliivitik digitalit aamma videoliuutitik atorlugit assiliisaqattaarput, sumiffinni assigiinngitsuni Lucia-aartoqarmat. Santa Lucia 13. december ullorsiorneqartarpoq, ullorlu taanna sulinngiffiummat sumiiffinni arlalinni tallimanngormat Lucia-aartoqarpoq.
Assit uku Nuummi meeqqerivimmi annerumaanik mikinernillu paaqqinniffiusumeerput Nuummi "Sikkersoq". Tassani aamma orpiliartoqarpoq, meeqqallu nipitunissartik tamakkerlugu "Nissimaannguaq iserit" atormassuk, taava juullip inua aappalaartunik atisalik iserpoq meeqqanullu mamakujunnik agguaassilluni.
– Sankt Lucia - imaluunniit Santa Lucia Italiamiusut - oqaluttuarisaanermi inuk piviusuuvoq, arnaq inuusuttunnguaq, ukioq 304-mi Kaasarip Diocletianip krisutumiunik malersuinerata nalaani Siciliami Syrakusimi toqusoq martyrinngorlunilu. Niviarsiaq taanna inuusuttunnguullunili aalajangersimavoq inuunini Guutimut tunniunniarlugu minguitsumillu inuuneqarniarluni. Taamaattumillu nuliarsartumut NAAGGAARLUNI, nassuiaat takuneqarsinnaavoq Religion.dk-mi.
- Sankt Lucia pillugu oqaluttuaq allakkani atuarneqarsinnaavoq kingumut uterluni ukiut 500-kkut ingerlaneranni, Kristumiullu siulliunerusut niviarsiaq assut ataqqisimavaat. Niviarsiaq tassaavoq arnat illernartuutitat amerlanngitsut ilaat, Kristumiut naalagiartitsineranni malittarisassaanni taaneqartoq 6-700-kkunnili, Religion.dk allappoq.