Skip to main content

Uummannami sulilluartoq nersorneqarpoq

Uummannarmiup Ole Qvistip ullumi Nersornaat sølvi pissarsiarissavaa

Uummannarmioq Ole Qvist ullumi Nersornaat sølvimik pissarsissaaq. Kalaallit Nunaanni qimussertarnerup piujuaannarnissaa pillugu annertuumik sulissuteqarnini pillugu ilisimaneqarpoq, soqutigilluinnagaalu tassaavoq qimussimik sukkanniuunneq.

Ole Qvist peqataavoq peqatigiiffik Qimusseq 1985-imi pilersinneqarmat aammalu Avannaani Qimussertartut peqatigiiffiata 1987-imi pilersinneqarnerani peqataalluni. Taamaalillunilu aamma siullerpaamik Avannaata Qimussersua 1988-imi ingerlanneqarmat peqataalluni.

Kiisalu Ole Qvist illoqarfimmini Uummannami politikeritut aamma sunniuteqarsimavoq kiisalu kommunimi aningaasaqarnikkut aamma suliffeqarnikkut ineriartortitsinermi maligassiuisuulluni. Ole Qvist suliffeqarfik Uummannaq Seafood pilersinneqarmat peqataavoq.

Inatsisartut siulittaasuat Ruth Heilmann sinnerlugu borgmester Jens Lars Fleischerip Nersornaat sølviusoq Ole Qvistimut tunniutissavaat. Tamanna pissaaq Uummannap katersortarfiani nalliuttorsiualaarnertalimmi ullumi sapaammi nal. 19.00.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER