Skip to main content

Igasut GM-ertut sungiusartut

Aqagu Narsami inuussutissalerinermik ilinniarfimmi Inuilimi aallartissapput

Iggarissorsuit sisamat sapaatit akunnerani kingullermi sulingiusarput Nunatsinni qulingiluassaanik marmartunik iggarinnequsaalluni pissartanngorniunnissamut aqagu inuussutissalerinermik ilinniarfimmi Inuilimi pisussami piareersimalluarniarlutik.

Ullorissanik tunineqarsimasup Restaurant Noma, Københavnimi Den Nordatlantiske Bryggemiittup pisortaata tullia Chrisitan Puglisi piffissami tassani qallersugaliornermut pikkorissartitsilluni assut pissartanngorniunnermut peqataasunut isumassarsiorfiulluarsimavoq. Nunat avannarliit nerisassaliassaat atorlugit nutarterillutik nerisassaliortarneramik Noma Michelin-imit marlunnik ullorianik tunineqarpoq, igasullu nunatsinneersut sapaatit akunnerata ingerlanerani Christian Puglisip nerisassiai misiligarluarpaat

Ukioq manna pissartanngorniunnermi peqataasut tassaapput marloriarluni ajugaareersimasoq Jeppe E. Nielsen Nuummi Restaurant Nipisameersoq, Kim Pedersen Ilulissani Restaurant Mamartumeersoq, Mikael Sabir Hansson Nuummi Hotel Hans Egedemeersoq, 2004-milu ilinniartuni iggarinnerpaajusoq Jens Jørgen Schmidt Ilulissani Hotel Arcticimeersoq.

Aqqagu pissartanngorniunnissami siuleqqiutissaq ilisimaneqareerpoq: Kissalaartut nillertullu ataatsimoortillugit minnerpaamik Nunatsinni nerisassiassat marluk nalinginnaanerusut akoralugit, pinngitsoorani akoritinneqartussaq ataaseq kapiliussaaq.

Nerisassiassalli kissartut suunissaat sisamanngornermi nal. sisamat tungaanut isertugaataavoq, nal. taamaalippat koori imarisai saqqummiunneqassapput tassaniissallutillu pingaarnertut kalaallit nerisassiassaatai.

Igasutut ilinniartut arfinillit pingasunngornermili GM-imi imminerminnut tulluarsakkamik unammisinneqarput:

Nipisameersoq Hansinnguaq Jakobsen, Hotel Arcticimeersoq Ilannguaq Hegelund, Hotel Kangerlussuarmeersoq Malik Mathiassen, Hotel Hans Egedemeersoq Tina Karlsen, Hotel Kangerlussuarmeersoq Peter Arqi Hotel Hvide Falkimeersorlu Lars Brian Lynge.

Igasut unammissutaattullu siuleqqiutiliorput, savallu qimerluanik kissartuliorlutik.

GM-imi dommeriupput Inuilip pisortaa Esben Toftdahl, ilinniartitsisoq Marie Toftdahl, Ålborg Tekniske Skolemi ilinniartitsisoq Flemming Rukjær aamma ilitsersuisoq Christian Puglisi, Restaurant Noma.

Nunatsinni igasunik igasutullu ilinniartunik pissartanngorniunnermi ajugaasut tallimanngorpat unnukkut inuussutissalerinermik ilinniarfimmi kusanartumik nerersuaqatigiinnermi tusarliunneqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER