Skip to main content

Ilinniarneq nutaaq - internetsikkut

Teknisk personale i byggebranchen kan nu få en lederuddannelse på nettet. Det sparer tid og penge

Teknologi nutaaliaq iluaqutigalugu aserfallatsaalisaanermi teknikimik allagartartalimmik Ilinniartitaaneq nunatsinni maanna piviusunngorpoq. Ilinniartitsinerup annersaa internetikkut video atorlugu ingerlanneqassaaq.

Via University College suleqatigalugu ilinniartitaaneq nutaaq aaqqissuunneqarpoq, maani neqeroorutigisalernissaa siunertaralugu.

INI-mit, Iserimmit, Nukissiorfinnit, Qaqortup Kommunianit aammalu Royal Arctic Linemit teknikimik suliaqartut ilinniartitaanermi aallartipput, bacheloritut qaffasissuseqartoq ukiunilu marlunnik sivisussuseqartoq. Aqutsinerup, aaqqissuussinerup aammalu sanaartukkanik maskinanillu aserfallatsaaliinerup iluini periutsit pitsaanersaannik ilinniartut ilisimasaqalersinneqassapput.

- Teknologi taanna nutaaq atorlugu angalanermi aningaasartuutissaagaluit annertungaatsiartut sipaassavagut. Taamaanngippat pikkorissartut immikkut pingasoriarlugit najuqassiussagaluarpagut, tamakkulu soorunami akeqarput,” ilinniartitsisoq pikkorissaanermillu aqutsisoq Svend Åge West, aserfallatsaalisaasarnerit iluani immikkut ilisimasallit salliusut ilagisaat nassuiaavoq.

Michael Pedersen, Ilulissani INI-mi sanaartukkanut ingeniøri, oqarpoq nammineq Nuummut pikkorissariarluni ilaanneeriarluni angalarusussinnaalluni.

- Kisianni uanga sulisitsisuma isumaanit isigalugu, tamanna ullunik sumiginnakkanik pingasunik akeqarpoq, taakkunannga marluk angalanermut atorneqassallutik. Tamanna maanna ullut 14-ikkaarlugit qarasaasiaq saallugu nal. akunnerinik 3-nik taamaallaat akeqassaaq.

Ilinniartitaaneq internetimik tunngaveqartoq isumaqarpoq, angalanermut aningaasartuutit annertuumik ikilisinnerinik. ”Tamanna uagutsinnut aningaasanik atuilluarneruvoq,” INIp ilinniartitaanermut siunnersortia oqarpoq.

Sanaartukkanik nakkutilliisunik Sanaartornermi Aqutsinermik Ilinniartitaanermi internet atorlugu ilinniartitaanermit, INI ukiuni ilivitsukkaani kingullerni misilittagaqarluarpoq, taamaattumik inissiaatileqatigiiffiup kingumut ilinniartitaanermik suliniutinut teknologi atorlugu aaqqissuussinissaq toqqarpaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER