Skip to main content

KNI-p aqutsisuni nukittorsarniarpai

Pilersuisumi nunaqarfinni niuertut, nioqqutissanik aqutsisut pisiniarfinnilu pisortat 35-it ulluni makkunani aqutsinermut, logistikimut suleqatigiinnermullu pikkorissarput.

Pilersuisup pisiniarfiini pisortat, niuertut nioqqutissanillu aqutsisut 15-it logistikimut suleqatigiinnermullu pikkorissaqqammerput.

Pikkorissartut ullut pingasut ingerlaneranni nioqqutissap nioqqutissanik tunioraasumut inniminneerneraniit pisiniamit pisiarineqarnissaata tungaanut piffissamik atuilluarnissaq, annaasaqannginnissaq quersuarmiititsinermullu aningaasartuutinik annikillisaasinnaanerit pillugit nioqqutissat pitsaasumik ingerlaartinneqartarnerisa suleqatigiissutiginissaasa pingaaruteqassusiat paasisaqarfigilluarsimavaat, KNI-p pisortai nalunaarput.

- Ukiuni amerlasuuni niuertutut sulisimavunga, maanna nioqqutissap aqqutit qassit aqqusaaqqaartarnerai, aamma kukkunerup ataatsip suliffeqarfimmut pitsaanngitsumik qanoq sunniuteqarsinnaanera, aammalu kukkunerit pinngitsoortinniarlugit ataqatigiissaarinissap suleqatigiinnissallu pingaaruteqassusia paasisinnaanerulerpara, taamak peqataasut ilaat Mikael Nielsen Qeqertameersoq oqarpoq.

Aqutsisut immikkoortortanilu aqutsisut allat 18-it aqutsinermut ilinniarfiup tunngaviusumik ilinniarfiani aallartipput, ilinniarfik aqutsisunut kalaallisut oqaasilinnut sammititaavoq. Ilinniartitaaneq pingasunut immikkoortinneqarsimavoq, taakkunani inuttut aqutsisinnaaneq, pilersaarusiorneq tulleriissaarinerlu, nersualaarinnilluni aqutsineq, attaveqaatit aporaattoqartillugulu aqutsisinnaanerit ilinniarneqartarlutik.

- Uagut aqutsisutut suleqatitsinnut pitsaasumik attaveqarsinnaanissat qanoq pingaaruteqartiginera salliutillugu sammigatsigu assut pissarsiaqarfigaara, aamma inuttut ammasuunissarput aammalu misilittakkatsinnik avitseqaqateqarsinnaanermi attaveqaqatigiiffeqarnissap pingaarutaa, taamak Kullorsuarmi nioqqutissanik aqutsisoq Magnus Danielsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER