Skip to main content

Kalaallit ilinniartut Danmarkimi avatangiisitik sungiukkuminaatsippaat

Kalaallit meeqqat Danmarkimut efterskolinut aallartinneqannginnerminni piareersarneqarsimanerat naammanngilluinnarpoq. Klank Efterskolemi forstanderi taamatut oqarpoq ukiarmiinnarlu ilinniartuutini pingasut angerlartissimavai ajorsartutut misigisimanermik peqartillugit

- Ilinniartut silaaluupput, taamaattuminguna mianersortoqarnissaa oqaatigigiga, Ulrik Rye Andersen DR-imut oqarpoq.

Kulturi, silaannaq kiisalu ingammik oqaatsit pitsaasumik maaniinnissamut annertuumik akimmisaarfiusarput. Meeqqat piareersarneqarnerusariaqarput soorlu assersuutigalugu sapaatit akunnerini pingasuni Kalaallit Nunaanni pikkorissartillugit, tassani danskit inuusuttut oqaluttuarisinnaavaat Danmarkimi meeraaneq aamma inuusuttuuneq qanoq ittuunersoq, Ulrik Rye Andersen siunnersuuteqarpoq.

Ukioq manna kalaallit ilinniartut 450-it qallunaat nunaanni efterskoleriartinneqarsimapput. Taakku angajoqqaavisa Namminersornerullutik Oqartussanit aningaasatigut politikkikkullu tapersersorneqarlutik kissaatigaat meeqqamik danskisut piginnaasaasa annertusarneqarnissaat kiisalu danskit kulturiannik ilisimasaqarnerulernissaat. Kisianni meeqqat ilaannut akimisaarfiit ima annertutigilersarput angerlaannartariaqarlutik.

Ukioq manna taamaatiinnartut qanoq amerlatiginersut suli katillugit kisitsisitaqanngillat, kisianni Region Syd eqqarsaatigiinnarlugu kalaallit ilinniartut qulissaat angerlarsimapput, Odensemi Kalaallit Illuat nalunaarpoq.

Antropolog Maren Alstrup, Efterskoleforeningenimeersoq isumaqarpoq assigiinngissutsineq sammineqarnerusariaqartut:

- Uagut isumaqartarpugut meeqqat kalaallit qalunaaqqatut ittut, kisianni soorlu taakku Tunumi nunaqarfeerannguameersuppata taava assigiinngissutaat annertoorujussuuvoq.

Imaasinnaavoq meeqqat qarasaasiamik takusimanngisaannartut kiisalu efterskolemi ilinniartut immaqa nunaqarfianni innuttaasunit amerlaneruppulluunniit. Tamatumunnga ilanngullugu Namminersornerullutik Oqartussat ukiuni kingulliunerusuni qallunaatut ilinniartitsineq annikillisarsimavaat. Ullutsinni ilinniartut amerlanerujussuit qangaanerusumut sanilliullugu danskisut pisinnaasaat annikinneerarsuuvoq, Maren Alstrup oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER