Skip to main content

Kalaallit Nunaat franskisut

Kalaallit Nunaata ineriartornera, silaanna nukissiornermullu tunngasut pillugit atuakkiaq nutaaq Frankrigimi saqqummerpoq.

»Kalaallit Nunaat, issittumi unamminartoq« nunap politikkikkut ineriartornera, silaannaata pissusaa aamma nukissiornikkut inissisimanera pillugu aammalu Kalaallit Nunaata issittumi pinngortitaassutsikkut politikkimi inissisimanera pillugu atuakkiap saqqummersinneqartup qulequtaraa.

Atuagaq 40-nik qupperneqartoq Kalaallit Nunaannit kusanartunik assitalersugaq ilaatigut atorfilittanut qullerpaanut, politikerinut apeqqutinullu issittumut tunngasunut immikkut ilisimasalinnut nassiussuunneqassaaq. Franskit avatangiisinut ministeriat Jean-Louis Borloo aamma Monacop Fyrstia Albert II ataasinngormat EU-mi issittoq pillugu isumasioqatigiinnermut atatillugu atuakkamik tunineqarput.

Kalaallit Nunaannik ilisimannilluartoq Damien Degeorges kalaallit tusagassiorfiinut arlalinnut ukiuni arlalinni tusagassiortuusoq saqqummersitsinermi tunuliaqutaasoq Parisimi danskit aallartitaqarfianit, Kalaallit Nunaata Bruxellesimi aallartitaqarfianit aamma franskit angalatitseqatigiiffianit »Grand Nord Grand Large«-mit Parisip qeqqani kalaallit illuannik aamma piginnittuusumit tapiiffigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER