Skip to main content

ATTAT annaanniarneqalerpoq

Naalakkersuisuni ilaasortaq Tommy Marø aqagu saqqummiussissaaq ilinniarfiit qarasaasiatigut attaveqaataata ingerlaannarnissaanut aaqqiissutissamik.

Suliniuteqalerneq pivoq Ilisimatusarfiup siulersuisuisa 2009-imut missingersuutit suliarineqarnerannut atatillugu ATTAT-ip aningaasalersorneqarnerata ingerlaannarnissaa ajornakusoortissimammassuk. ATTAT ullumikkut Ilisimatusarfiup ataani inissisimalluni marlunnik sulisoqarpoq.

ATTAT-ip ingerlanneqarneranut 2007-imi aningaasartuutit 8 millionit koruunit missaaniissimapput 2008-imilu naatsorsuutigineqarpoq aningaasartuutit 10 millionit koruunit missaanni annertussuseqalernissaat.

- KIIIN-ip ilanngullugu misissorpaa ilinniartoqarfinni internetimik atuinermi qanoq atuitigineq apeqqutaatinnagu akimik aalangersimasumik akiliisalernissaq isumaqatigiissusiornikkut anguneqarsinnaannginnersoq. Tamanna aatsaat naalakkersuinikkut iliuuseqarnikkut anguneqarsinnaavoq, tassanilu susassaqartut amerlanerit aaqqiiniarnermi peqataasariaqarput, aammalu oqaloqatigiinnerit isumaqatigiinniarnerillu aallartinneqartariaqassallutik, Tommy Marø allappoq.

ATTAT 2001-imi nuna tamakkerlugu atuarfiit qarasaasiatigut attaveqaataattut pilersinneqarpoq. Atuarfiit ilinniarfiillu allat qarasaasiatigut systemi attaveqaatitut atorpaat. ATTAT 14.000-it missaannik atuisoqarpoq, taakkulu ilinniarfinni 106-iusuni mailadresseqarput kiisalu webhotelimut attaveqarsinnaallutik. ATTAT-ip naatsorsuutigaa computerit 2.500-t missaanniittut ATTAT aqqutigalugu internetimut atassuteqartut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER