Skip to main content

Efterskole tapersersorluarneqarpoq

Atuartunngortussat nammineq ilaqutariinnik attaveqarfigisartagassaminnik ujaasisariaqannngillat.

Qasigiannguani Villads Villadsenip Efterskoliata siulersuisui qanittikkut Qasigiannguani innuttaasunik ataatsimiitsitsipput.

- Ataatsimiinnermi siunertarineqarpoq illoqarfimmi efterskoleqalernissaa pillugu paasititsiniaanissaq aammalu innuttaasut peqatigalugit pitsaasumik oqaloqatigiinnissaq. Efterskolip pisortaanut aappariinnut siulersuisunullu apeqquteqarsinnaaneq ammavoq, taamak piosrtaq Rasmus Andersen allappoq.

Taassuma oqaluttuaraa paasissutissiinertalimmik ataatsimiitsitsineq ornigarluarneqarsimasoq, aammalu amerlasuut atuarfiup suleqatigiiffianut nalunaarsimasut. Aamma arlallit efterskolimi atuartunut ilaqutariittut attaveqarfissatut kissaateqarlutik saaffiginnittarsimapput.

- Efterskolimi atuartunngortussat namminneerlutik Qasigiannguani ilaqutariinnik attaveqarfissaminnik ujaasisariaqanngillat. Atuartussat nalunaarsimasut kissaatigissappassuk illoqarfimmi ilaqutariinnut attaveqarfissaminnut attaveqarsinnaapput. Atuarfiup illoqarfimmiunit taamak tapersersorneqartiginera kusanaqaaq. Tamanna aallaqqaataaniit aallartilluarnissamik periarfissarissaartitsilerlunilu soorlu allani takoreerikkatsitut taamaatiinnartoqarnissaanut pinngitsoortitsisinnaavoq, Rasmus Andersen oqarpoq.

Efterskolip siulersuisuisa inuttaraat Nuka Kleemand (siulittaasoq), Inuaraq Petersen, Ann Andreassen, Karl Samuelsen aamma Jess Svane.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER