Narsami meeqqat itisuumik isumalioqqissaarneq ullorsiorpaat
narsap Atuarfiani 4.-6. klassini atuartut Narsap kulturikkut illuutaani A221-imi ullormik itisuumik isumaliutiginnittarnermik aaqqissuussipput.
Meeqqat aaqqissuussineq nunat tamat itisuumik isumaliuginnittarnerup ulluannut ataatillugu ataasinngornermi pisoq namminneerlutik pilersaarusiorlugulu aaqqissuuppaat.
Qulequtarineqarput meeqqat isaannik isigalugu ileqqorissaarneq pissuserissaarnerlu: Meeqqat imminnut pitsaasumik imminnut pippat? Kanngusaarisarnermik pitsaaliuillutik imminut qanoq ikioqatigiippat?
Ullormi aamma imminut allallu iluarisimaartinnissaannut qannoq iliortoqarsinnaanersoq sammineqarpoq.
Atuartut aamma taallianik annertunngitsunik saqqummersitsillunillu, rapperput qitillutillu.
- Meeqqat amerlanersaat aatsaavissuaq inunnut amerlalaartunut isiginnaartitsipput, isiginnaartullu nillerratiginnittarlutillu nersualaarisarput. Taamaammat meeqqat imminnut tatiginerat kiviallanneqarpoq, ilinniartitsisuat Sara Olsen Nielsen oqarpoq.
Taamalu aaqqissuussineq ilinniartitsisut marluk robotdrengene-tut pissusilersornerisigut nuannarineqarluartumik naggaserneqarpoq.