Timmisartumut ilaasut 300-it ingerlaqqinnaveerput
Sapaatip akunnerata naanerani silaarlunneranit ilaasut 300-t ingerlaqqissinnaajunnaaqqarput. Air Greenlandi ilaasut ingeqqissinnaajunnaaqqasut ikiorniarlugit tamaviaarluni suliniarpoq.
Sapaat akunnerata naanerani silarlunneranik Air Greenlandip timmisartuussinissaralui arlallit taamaatiinnartariaqarsimapput. Ilaasut 300-t missaanniittut ingerlaqqissinnaajunnaarsimapput.
Nuummiit, Maniitsumiit, Sisimiuniit, Ilulissaniit, Kulusumiit, Aasianniit, Paamiuniit Narsarsuarmiillu taakkununngalu timmisartuussinissaagalugit taamaatiinnarneqanngikkunik kinguartinneqarsimapput.
- Ilaasut sapinngisamik amerlanerpaat apuuffissaannut apuunniarlugit tamaviaarluta sulivugut. Kisianni aamma tassunga atatillugu pissutsit arlallit immikkut unamminartoqartitsipput, Air Greenland tusagassiorfinnut nalunaarummi allappoq.
Timmisartumi saqisut akornanni napparsimasoqarnera silarlunneralu kiisalu Maniitsumi sermersoornaveeqqummik amigaateqarnerup sinerissakkut aqqutip Ilulissat, Sisimiut, Nuuk, Maniitsoq, Sisimiut Ilulissallu sapaammi taamaatiinnarneqarpoq.
Kulusup Nuullu akornanni timmisartornissaagaluaq piviusunngortinneqarsinnaasimanngilaq, soorlu aamma Aasianniit tassungalu timmisartuussinissat ajornarsimasut. Nuupå Narsarsuullu akornanni ingerlaaffissat aamma ajornarsimapput.
- Silarlunnera aamma ajuusaarnartumik qarasaasiat aqqutaannut sunniuteqarsimavoq, taamaalilluni bookingimut attaviit pitsaasimanngillat. Arfininngornermi pisut assigalugit aamma tekst-tvmi nutarterinerit kingulliit ajornartorsiutaasimapput, Air Greenland paasissutissiivoq.
Kisianni inuit internettimut attavillit Air Greenlandip nittartagaa alakkartarsinnaavaat.
- Ilaasut sapinngisamik amerlanerpaat attaveqarfigininiarsarivagut aammalu nittartakkatsinni www.airgreenland.gl-imi nutaarsiassat kingulliit immiuttuarniarsaralugit, Air Greenland tusagassiorfinnut nalunaarummini allappoq.