Skip to main content

Nuummi anoraasuarujussuaqattaarnera taamaatitseqattarpoq

Nuup eqqaani sakkortuumik anoraasuarujussuaqattaarnissaanik silasiortut ilisimasaaruteqarnerat pissutigalugu illoqarfiit pingaarnersaanniit tassungalu timmisartuussinissat sinneri tamarmik taamaatiinnarneqarput.

Air Greenlandip ilisimatitsissutigaa ilaasussat Nuummeersut Air Greenlandip Airbus 330-220 Norsamut ilaallutik Danmarkiliartussaagaluit ataasinngorpat aallartussamut nuunneqarsimasut, aammalu Nuummiit Kangerlussuarmut immikkut ittunik nalunaaqutaq 05.45 aamma 06.00 ingerlatitsisoqarumaartoq.

Ilulissaniit, Aasianniit Sisimiuniillu ilaasut ullumi pilersaarutit malillugit aallakaapput.

Atlantikoq qulaallugu timmisartumut ullumi ilaasut Nuummut Maniitsumullu ingerlasussat arfininngornermi ualikkumut unnukkumullu nuutinneqarput, immikkut timmisartuussinerit katillugit pingasut atorlugit.

Ilulissanut nassiussat ullumi pilersaarutit malillugit apuupput. Nuummut nassiussat avillugit sapaatiuppat 9 tons nassiunneqassapput, ataasinngorpallu ullaakkut 2 tonsit nassiussineqassallutik.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER