Nillersorsuami kaajallaaniat

Umiatsiaaqqamik Poca-mik angalalluni Qalasersuarmik kaajallaaneq.

De fire polarhelte fra "Polar Passage 2000"/ "Ishavet rundt" : Anders Bilgram, Frederik Lynge, Sergey Epishkin og Ole Jørgen Hammeken på nordspidsen af Sibirien - Kap Tjeluskin - ved Roald Amundsen's varde som Amundsen byggede i 1928, da han som den første var på vej til at sejle rundt om Ishavet. / During the 2008 leg, Hammeken and Lynge were joined by Dane Anders Bilgram and Russian Sergey Epishkin. Here, they pose at Cape Cheluskin, Siberia's northernmost point, where a carin erected by Roald Amundsen during his 1928 Arctic circumnavigation still stands

netredaktion (netredaktion@sermitsiaq.ag)

arfininng 18. okt 2008 08:32

Annonce

Ole Jørgen Hammeken aamma Frederik Lynge umiatsiaaqqamut ilaallutik Qalasersuarmik kaajallaareerlutik nunatsinnut tikeqqammerput. Angalaneq ukiunik qulinik sivisussuseqarpoq aasallu arfineq-pingasut ingerlanerini angalasoqartarluni. Angalaneq pissanganartuuvoq navianarlunilu Siberiallu avannaani 2003-imi ajutoornermik kinguneqarsimalluni.

– Issittup imartaa kaajallallugu umiartoreerpugut sinerissamilu najugaqarfiit tamakkerlugit tikeraareerlugit, New York-imi angalatuut peqatigiiffianni, The Explorers Club i New York-imi, ilaasortaq Ole Jørgen Hammeken taama oqarpoq.

– Rusland-imiilluta ikinngutigilluakkannit, russit peqatigiiffiani Duma-mi siulittaasup tullianit aamma Rusland-imi IPY-imi siulittaasumit Artur Chilingarov-mit pilluaqquneqarpugut. Taanna isumaqarpoq nunarsuarmi oqaluttuarisaanermi ilaasugut; umiatsiaaqqamik aammaannartumik angallateqarluta issittup imartaani siullerpaalluta angalasimagatta, minnerunngitsumillu najugaqarfinnik tamanik aqqusaarsimasatsinnik tikeraarsimagatta. Siornatigut taamaaliortoqarsimanngilaq.

Artur Chilingarov nunarsuarmi ilisimaneqalerpoq Qalasersuup imartaata naqqanut russit erfalasuat aasaq kingulleq ivertikkamiuk.

Nunatsinni pisortatigoortumik nunaqqatigut marluk taakku Qalasersuarmik navianaqisumik angalallutik kaajallaasimanerminnik pillugu pilluaqquneqarsimannginnerat Ole Jørgen Hammeken-ip eqqumiigaa.

- Nunani allani issittumi najugallit angalanerput soqutigisorujussuuvaat, ajoraluartumilli Kalaallit Nunaanniit pisortatigoortumik soqutiginnittoqarpianngilaq, Ole Jørgen Hammeken taama oqarpoq.

nunatsinnit inuiagatigiit