Skip to main content

Peary illinersiorlugu

Ole Jørgen Hammeken qimussimik upernaaru Qalasersuarmut Avannarlermut angalaniarpoq.

2009-mi amerikamiup ilisimasassarsiortup tusaamasap Robert Pearyp ilaatigut Uutaaq Thulemeersoq aamma Mathew Henson peqatigalugit Qalasersuarmut Avannarnermut siullerpaajullutik tuteqqaarneranniit ukiut 100t qaangiutissapput. Ole Jørgen Hammekenip pilersaarutigaa, ukiut 100t malunnartinniarlugit Uutaap Mathewillu qimussimik illernginik atuaanissaq.

– Qalasersuup Avannarliup "tiguarneqarnerannit siullermit" ukiut 100nngornerat soorluuna arlaannaataluunniit nalliusinianngikkaa. taamanikkut 1909mi amerikamiup Robert Pearyp paarsisuatalu aalajaatsup Mathew Hensonip minnersunngitsumillu "qimussit naalagaat" Uutaaq taassumalu qimussersartuisa Thulemi Uummannameersut peqatigalugit aqqut ingerlaarpaat. Taakku Qalasersuaq Avannarleq apriilip 6ani tikippaat.

– Isumaqarpunga Kalaallit Nunaata ukiut 100nngornerat malunnartittariaqaraa, taamak Ole Jørgen Hammeken aalajangersaavoq. Uagut "Uummannarmiorpaaluulluta" aallarnissatsinnut piareersimavugut. Qimussersartut misilittagaqarluartuupput ilaatigut Qaanaamiit Uummannamut qimussersimasut. Taakku ilaat uanga ilisimasassarsiorninnut "Global Warming Dogsledge Expedition"-imut siorna Uummannamiit sermersuaq itivillugu Ilulissanut ingerlaarnermut peqataasimapput.

Uani apeqqutaaginnarpoq piffissap taamak sivikitsigisup ingerlanerani 2niit 2,5 millioner koruuninik katersisinnaassanersugut.

Sanilliussigaanni Robert Pearyp 1909mi 50 millioner dollarsit atorsimavaa - soorunami taamatut sanilliussisoqarsinnaanngikkaluartoq, taamaattorli?

– Kingusissorujussuakkut nalunaarlunga nalunngilara, kisianni Pearyp ilisimasassarsiorneraniit ukiut 100nngornerat arlaannaataluunniit nalliuttorsiutiginiartungannikkaa kingusissorujussuakkut aatsaat paasigakku peqqutaavoq, Ole oqarpoq.

Amerikamiut ikiuukkusussinnaanerat ilimagaajuk - Explorers Club, National Gegraphic imaluunniit Discovery?

– Imaassinnaavoq, kisianni isumaqarpunga Kalaallit Nunaat pilersaarummi aallartittuunissaa pingaaruteqartoq.

– Qularutiginngilara Kalaallit Nunaat pissanganartumik, piviusumik assersuutikkullu ulluni makkunani IPYp - nunat tamat issittumut ikiorititaat - naajartornerani erfalasuminik takutitsilluarsinnaasoq – aamma namminersulernissamut tunngatillugu, annerpaatullu “Qalasersuup Avannarliup sorsuutigineqarnera”nut atatillugu.

– Pilersaarut uanga kisimiillunga kivissinnaanngilluinnarpara. Taamaattumik neriuutigaara kalaallit nunaata tungaaniit ikiorneqarsinnaassallunga – minnerunngitsumik Namminersornerusuninngaanniit, kisianni aamma inuussutissarsiornermik ingerlatsisuninngaaniit.

– Periarfissat allaasinnaavoq amerikamiunik ilassarsiornissaq, tasamungalumi aamma attavigissaarpunga, kisianni aamma taamaaliussaguma taakku piumasaqaataat malissagakkit, nangippoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER