Skip to main content

Nuummi sanngiinnerusunut tapiissutit

Siusinaartumik pensionisiallit, utoqqaat, meeqqallu atugarliortut maanna 17 millioner koruunit missaannik tapiiffigineqassapput, nuuk.gl taamak allappoq

Akit qaffakkiartuinnartut inunnik isumaginninnermi sulinermut ajoqutaassanngillat. Tamanna immikkut 17 millioner koruunit missaannik aningaasaliisoqarnissaanut qinnuteqarnermut tunuliaqutaavoq tamannalu kommunalbestyrelsimit ataasinngornermi ualikkut akuersissutigineqarpoq.

Meeqqanik isumaginninnermut 14,7 millioner koruunit meeqqerivinni, ulloq unnuarlu paaqqinnittarfinni tapersersorteqarnermi aamma Nunatsinni Danmarkimilu paaqqinnittarfinnut inissiisarnermi akinut qaffakkiartuinnartunut atorneqassapput.

Amerligaluttuinnartut namminersortumik paaqqinnittarfinnut akisoqisunut inissinneqartalermata aningaasartuutit qaffakkiartuinnalersimapput, ineqarnermilu ajornartorsiorneq pissutaalluni siunertarineqartutut angajoqqaanut angerlarnissap piviusunngortinnissaa ajornakusoorluni. Tamakku saniatigut Isumaginninnermi Ataatsimiititaliap Nunatsinni taamaattunik neqerooruteqartannginnera pissutigalugu inuusuttut innorluutillit Danmarkimi efterskolertarnerannut ineqalernissamullu sungiusartarnerannut aningaasaliivoq.

Siusinaartumik pensionisiallit amerligaluttuinnarnerat pissutigalugu 2,1 millioner koruunit taakkununnga aningaasaliissutigineqarput, utoqqarnut 2,8 millioner koruunit sulisunut aalajangersimasunut isumaqatigiissutit naapertorlugit aningaasarsiaqartinneqartunut aamma ulloq unnuarlu paaqqinnittarfinni ineqartut innorluutilinnut peqqussummit pineqartut akiliutigisartakkat annaasasa matussusernissaannut.

Isumaginninnermi immikkut aningaasaliisoqarnera ingerlatsinermi missingersuutinit atuuttunit aningaasalersorneqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER