Skip to main content

ITmut aningaasaliinissaq annertooq

Kommuneqarfik Sermersuumi IT-mut atortunik pisiniarnissamut akuersissutaareersut qaavisigut immikkut 7,15 millioner koruunit aningaasaliinissaq kommunlabestyrelsimit ataasinngornermi akuersissutigineqaqqammerpoq, nuuk.gl allappoq.

Ikaarsaariarnermut ataatsimiitsitaliap aningaasalersuineq aamma akuersissutigissappagu inernera tassaassaaq IT-kut aaqqissuussaaneq pitsaalerusoq.

IT-mut aningaasaliineq tamanut attaveqatigiilernermik pilersitsissaaq.

Innuttaasunut qularnaatsumik pitsaasumillu sullissineq, politikkikkut ingerlatsivik ammasoq innuttaasunnullu paasissutissiivik. Tamakku IT-mut atortunut 7,15 miliioner koruuninik pisiniarnissamut kommunalbestyrelsip ataasinngormat akuersineratigut inernerisinnaavai. Nuup Kommuneata IT-lerinermut immikkoortortaqarfia naapertorlugu Kommuneqarfik Sermersooq politikkikkut allaffissornikkullu ataatsimoortunngortissagaanni aningaasaliinerit pisariaqarput. Aningaasaliinerit kommunerujussuarmut attuumassuseqarmata ikaarsaariarnermut ataatsimiitsitaliap aningaasaqarnermut ataatsimiitsitaliaata aamma akuersissuteqartittariaqarpoq.

PC-t nutaanerusut 500t atorfissaqartinneqarput

Aningaasaliissutit ilaatigut serverinik allanillu attaveqaqatigiinnermut atortunut kiisalu pc-inik 500nik pisiniarnissamut atorussaapput, standardprogrammit ingerlatsiviillu assigiissallutik, taamaalilluni kommunerujussuassami allaffissornikkut ingerlatsineq isorartussutsit annertuut ikaarlugit atorsinnaassammata. Atortut kattussinermi kommunit annersaanni Nuup Kommuneaniittut kommunerujussuassamut annikippallaaqaat. Taamaattumik taarsersuinissat aningaasalersuinissat pisariaqarput, minnerunngitsumik atuarfeqarfiup tungaatigut.

IT-kut atortut aamma kommunalbestyrelsip katersuutinngikkaluarlutik ataatsimeeqatigiissinnaanerannut periarfissiissaaq. IT-kut attaveqaatitigut pitsanngorsaanikkut politikerit computerit angallattakkat atorlugit kommunalbestyrelsemi ataatsimiissinnaallutillu ataatsimiitsitaliani ataatsimiissinnaalissapput. Ullormut oqaluuserisassat nassuiaataat skærmini takuneqarsinnaassapput, soorluli oqaaseqartussat tulleriissaarneri, taasinerit, inernerit allallut netværki atorlugu elektroniskimik aqunneqarsinnaassapput.

IT sulisunut politikerinullu iluaqutaaginnassanngilaq. Aningaasaliissutit ilaat internetimi nittartakkamut nutaamut atorneqassapput, tassuunakkut Kommuneqarfik Sermersuumi innuttaasut kommunimi susoqarneranik paasissutissanik aallernissamut periarfissaqalissapput. Adressea tassaassaaq www.sermersooq.gl.

7,15 millioner koruunit taakku Nuup Kommuneani uningasuutit erniaannit isertitaqarnerunikkut pissarsiarineqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER