Skip to main content

Højskolet sipaarniutissanut sorsupput

– Naalakkersuisut sipaarutissatut siunnersuutaat piviusunngussappat matusariaqalersinnaavugut, nunatsinni højskolet marluusut mianersoqqusipput.

Sisimiuni Knud Rasmussenimi KRHmi aqutsisut aamma Qaqortumi Suliasarut Højskoleanni aqutsisut naalakkersuisut ukiuni tulliuttuni sisamani 4 millioner koruunit tikillugit sipaarniuteqarnissaannut siunnersuutaannut sorsunnerminni maanna nunatta naalakkersorneqarneranik suliaqartut nalunngeqatiginnissusiannut saaffiginnipput. Sipaarniarneq højskolemi atuartumut ataatsimut tapiissutit 2008mi 282.000 koruuniniit 2010mi 200.000inut appartinneqarnerisigut piviusunngortinniarneqarpoq.

Højskolet siulersuisuini siulittaasut naapertorlugit sipaarniuteqarnerit sulisunik soraarsitsinernik kinguneqartussaapput. Tamanna atuartunik atuartitsinermillu eqquisussaavoq, annertuumik taamaatiinnartoqarneranik kinguneqarsinnaalluni. Sipaarniutit aamma sullitanut sunniuteqassaaq, tassa pikkorissartunut peqatigiiffinneersunut kattuffinneersunullu, (SIK ilanngullugu, aaqqissuisut), pikkorissarnermi højskolenik atuisartuusunut. Akillu qaffattussaammata suliitakkat tunuartilersussaapput annaasallu suli annerulerlutik, højskoleniit miannersoqqussut taamak nipeqarpoq.

»Tamanna tunuliaqutaralugu nunatta naalakkersorneqarnerani angutit arnallu sallersaasut taakkualu nalunngeqatiginnissutaat ilungersortumik qinnuigaavut - Inatsisartuni ilaasortat - naalakkersuisut innuttaasut højskoliinut tapiissutinik ilanngaaniarnerat pillugu pilersaarutaannik unitsitseqqullugit, taamak højskolit siulittaasui Jess G. Berthelsen Sulisartut Hæjskoleanneersoq aamma Akaaraq Samuel Olsen Knud Rasmussenip Højskoleaneersoq inatsisartuni partiinut allakkaminni saaffiginnissuteqarput. Siulittaasut partiit siulittaasuinut saaffiginnissimapput pineqartoq pillugu ataatsimeeqatiserinnillutik.

Siulersuisuni siulittaasut aamma højskoleni pisortaasut peqatigalugit aningaasaqarnermut inatsisissap aappassaaneerlugu sapaatip akunnerata tulliani oqaluuserineqarnissaa sioqqullugu aningaasaqarnermut, ilinniartitaanermut inuussutissarsiornermullu ataatsimiitsitaliannik oqaloqatiginninnissaq suniliutigaat. Jakob Møller Myberth Knud Rasmussenip Højskoleaneersoq naapertorlugu aningaasaqarnermut ataatsimiitsitaliamiit oqarfigineqarsimapput aallatitat ataasinngornermi naapissinnaagitik.

Højskolet namminneq isumaqarput, atuartut højskoimiittarnerat pitsaasuusoq. KRHip misissuisitsinerata takutippaa ukiut kingulliit pingasut ingerlaneranni højskolemiittarsimasut affaat tikillugit suliffeqartuusut, aammalu qulerarterutaasa missaat suliffeqanngitsuusut, annermik erninermut atatillugu sulinngiffeqarnermut atasumik. Suliffeqanngitsut amerlanersaasa ilisimatitsissutigaat ilinniagaqarnermik aallartitaqarnissartik eqqarsaatigigaat. Paasissutissiisut pingajorarterutaasa missaat ilinniagaqarlutik aallartissimapput, annermik immikkut ilinniagaqarnermi tunngaviusumik ilinniarfinni. GUmi ilinniartunngortartuni kisitsisaatit naatsorsuutigisamit amerlanerupput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER