Air Greenlandip Boeing 757-iutaa kinguaattoorpoq
Air Greenlandip timmisartuutaa Københavnip Narsarsuullu akornanni atlantikoq qulaallugu timmisartoq kinguaattoorpoq.
Københavmimiit aallartussaq GL785 teknikkikkut ajornartorsiuteqarneq peqqutigalugu 5 tiimit missaannik kinguaattoorpoq, kisianni maanna nuatsinni nalunaaqutaq malillugu 11.30 aallarpoq, Narsarsuarmut nalunaaqutaq 16 tikissangatinneqarluni, Air Greenland nalunaarpoq.
– Taamaanneratigut nunatta iluanni timmisartuussinernut aamma kinguaattoorfiussaaq, taamalu Købehavnimiit Qaqortuliartunut sunniuttussanngortutut isikkoqarluni, taakku taarsereernerani timmisartuussinissamut killilersuineq pissutigalugu ullumikkut apuussinnaannginnatsigit, Kisianni taakku ullumikkut Narsarsuarmut tikinnerisa kingorna ilisimatinneqassaagut.
– Kinguaattorneq aamma soorunami Narsarsuarmiit Købehavnimut timmisartornissamut sunniuteqassaaq, Narsarsuarmiit aallassangatinneqarpoq nal. 17, Københavnimut qallunaat nalunaaqutaat malillugu nal. 01.15 tíkissangatinneqarluni, taamak Kim Andersen Air Greenlandip timmisartuussisarnermut ingerlatsivianeersoq ilisimatitsivoq.