Skip to main content

Umiarsuaq qinnguartaammik usisoq kujataanukalerpoq

Umiarsuaq qinnguartaammik usisoq ullumi 24. september aallassaaq kujataani nunaqarfinnut tamanut sapaatit akunnerini tulliuttuni angalassalluni. Siullermik Qassimiunukassaaq, kingornarlu Nanortallip Qaqortup Narsallu nunaqarfiinut aamma angalassalluni.

Nunaqarfinnut ataasiakkaanut umiarsuup ullut tikiffissai KNR-ip TV-kkut allagarsiiviagut takuneqarsinnaasassapput, nalunaaqutarlu tikiffissaq nunaqarfinni ataasiakkaani allagarsiinikkut ilisimatitsissutigineqartassalluni.

Innuttaasut 15-inik ukioqalereersimasut tamarmik qinnguartartinnikkut sakialluummut TB-mut misissortinnissaminnut kajumissaarneqarput. Napparsimasutut misigisimanngikkaluararaanniluunniit misissortinnissaq pingaaruteqarpoq.

Qinnguartartittariaqanngilatilli:

  • Ukiut kingulliit marluk iluanni puatit qinnguartartissimagukkit sakialluummillu nappaateqarsinnaanermut ilisarnaateqanngikkaanni
  • Naartugaanni. Taamaassappat ernereernerup kingorna qinnguartartittoqarsinnaavoq
  • Imaluunniit 15-it inorlugit ukioqaruit.

Meeqqat klassini aalajangersimasuni atuartut atuarfik aqqutigalugu aggersarneqarlutik aaversinnikkut misissorneqassapput. Meeqqat minnerusut pisariaqartitsineq naapertorlugu misissorneqassapput.

Kujataani innuttaasut ukioq ataaseq allortarlugu puamminnik qinnguartaanikkut misissortittarnissaannik neqeroorfigineqarput. Qinnguartaaneq nuna tamakkerlugu nappaatip sakialluutip TB-ip akiorniarneqarnerani suliniutinut ilaavoq.

– Taamaaliornermut tunngaviuvoq maannamut nappaammut sakialluummut TB-mut akiuiniarluni suliniutaasimagaluit naammaginartumik kinguneqarsimannginnerat. Ukiut kingulliit ingerlaneranni agguaqatigiissillugit ukiumut inuit 83-it TB-mik nappaateqalersarput, nunat ineriartorfiusut amerlanersaannut, innuttaasut 100.000-iuppata nappaateqalersimasut 140-uusartunut, Kalaallit Nunaat nallersuussinnaanngorsimalluni.

– Taakku 25-30 %-ii meeraapput kisitsisillu annertoqisup tamatuma inersimasut akornanni tunillaassuuttoqarneranik takutitsivoq, Kalaallit Nunaanni sakialluutip TB-ip akiorniarneqarnerani suleqatigiit oqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER