Kalaallit oqaasii nalunarnersaapput
Kalaallit oqaasii nunarsuarmi oqaatsini ilinniassallugit nalunarnersaapput. Tamanna oqaatsinut professorip nunarsuarmi oqaatsit pillugit tulleriissaarilluni allattorsimaffimmik suliaqarsimasup aalajangersarpaa, knr.gl alappoq.
Kalaallit oqaasiini oqaaseqatigiit oqaatsillu sananeqaataa assorujussuaq nalunarpoq, taamak oqaatsinut prifessori isumaqarpoq. Assersuut "Eqeqqukequtima kukikequtaa".
Taamaalilluni kalaallit oqaasii oqaatsit nalunarnersaattut allattorsimaffimmi inissippoq, ilaatigut oqaaseqatigiit oqaatsillu assut ajornartumik katitigaammata, oqaatsinut professori Rolf Theil Oslomi Universitetimeersoq oqarpoq.
Akerlianik oqaatsit ajornannginnersaraat mandarin, oqaatsinut professori naapertorlugu oqaaseq taajuminartuummat. Oqaatsit inussiarnersaraat koreamiut oqaasii, oqaatsit pingaarnersaat tassaalluni tuluttut oqaatsit.
Oqaatsinit nipi aninneqartartut eqqumiinnersaat tassaavoq oqqap nuua siggummut qullermut tutsillugu nipi, taannalu manerassuarmi qeqertani atugaasorujussuusungavoq.
Allattorsimaffik eurpamiut oqaatsinut ullorititaannut ullumikkuusumut atatillugu saqqummersinneqarpoq.