Tukukkat Sermitsiaq Icecamimit assilineqartut
Sermitsiap web-cameraa iluliarsuarnik Ilulissani sermersuarmit kaanngagartunik malinnaatinneqartoq, tulukkanik marlunnik Icecami kusanavissumik assiliisimavoq.
Webkamera Ilulissat kangerluata paavani ikkunneqarsimavoq, Ilulissat kangerluata qinnguani sermersuaq uukkaasoq nunarsuarmi iluliarsuarnik pinngortitsisartut annersaasa ilagaat. Sermip uukkaasup killinganiit iluliarsuit ingerlaavartumik napijuarput, taakkulu kangullukkut ullormut 22 meterinik sukkassusilimmik anillaakkiartortinneqartarput.Iluliarujussuit ilaat hundredenik arlalinnik diametereqarsinnaasartut 1.000 meterinillu portussuseqalersinnaasartut kangerluup paavani ikkannernut ikkarlittarput, tamaani immap itissusia hundredelit arlalialuinnaat itissuseqarluni. Iluliarsuit ilaat tassani napisarput, ilaallu iluatungaaniit ajanneqarnerat sakkortulluaraangat kaanngarlutik avannarmut kimmut Davisstrædep tungaanut sarfaatitilersarlutik.
Taamaattumik webcam malinnaaffigiuk, taanna Ilulissat kangerluaniit assinik alutornartuinnartunik assiliisinnaasarpoq, Iluliarsuarnik imaluunniit uanitut talukkanik marlunnik kusanavissumik timmisunik.
Sermersuaq aattoq toqqaannartumik isiginnaaruk her .