Skip to main content

Moses Olsen toquvoq - 70-inik ukioqarluni

Kalaallit Nunaanni politikkimi inuit malunnaateqarnerpaat ilaat toquvoq.

Folketingimut, Inatsisartunut Naalakkersuisunullu ilaasortaasimasoq Siumumillu pilersitseqataasimasoq, taalliortoq, innuttaasuni oqallissaarisartoq Moses Olsen 70-inik ukioqarluni toquvoq.

Jørgen Fleischeri qanittukkut Moses Olsenip 70-inik ukioqalerneranut atatillugu allappoq: – Kalaallit Nunaanni pissanganartinneqaqisumik 1972-imi septembarip 21-iani Folketingimut qinersinermi Moses Olsenip tupaallatitsilluni ajugaaffigineqarsinnaanngitsoq Nikolaj Rosing Folketingimi ukiuni 12-ini ilaasortaasimasoq ajugaaffigaa. Moses Olsenip danskit Foketingianni sulileqqaarnera assut pissanganartorsiorfiuvoq. Kalaallini politikerini siullersaalluni maannamullu kisiartaalluni qallunaat nunaata iluani pitsitsinut akileruppoq. Socialdemokraatit taaseqatigai, taamalu Jens Otto Kragip naalakkersuisui annaallugit. Kisianni Moses Olsen sapiitsuliornini akisunaarpaa. Toqunneqarnissamik sioorasaarneqarpoq, taamalu naalagaaffiup qullersaatutullusooq politiinik ingiallorteqarluni ingerlasariaqarsimalluni.

– Moses Olsen aamma Folketingip 1972-imi ammarneqarnerani oqalutuarisaanermut ilaalerpoq, taamanikkut Kalaallit Nunaata taamanikkut EU-anut ilaasortaanissamut 1972-imi oktobarip 2-ani naaggaartup sumut atasuunerata taasissutigineqarnissaa piumasarigamiuk.

– Moses Olsen pingajoqqanut ilaavoq. Allat marluk tassaapput Jonathan Motzfeldt aamma Lars-Emil Johansen. Siumukkormiut taakku pingasut Kalaallit Nunaata politikkikkut ingerlasimanera ukiuni kingullerni 30-ini sunniuteqarfigilluarsimavaat.

Moses Olsen partii Siumut pilersinniarneqarleqqaarmat peqataasimavoq. Aamma suleqatigiissitaliami Kalaallit Nunaata taamanikkut EF-imut naaggaarnerata kingorna ullualunnguit qaangiuttut pilersitaanut ilaasortaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER