Tjenestemandit neriorsorneqaraluarlutik toqqissisimanngillat
Kommunit kattunnerisa kingorna tjenestemandit siunissaata pilersaarusiornerat kinguaattoorujussuaqqavoq, taamak AK-p Atorfilillit Kattuffiata siulittaasua Erik Hammeken radioaviisimut oqarpoq.
Soraarsitsisoqannginnissaanik neriorsuisoqaraluartoq tjenestemandit suli toqqissisimanngillat, knr.gl allappoq.
Kommunerujussuit aaqqissuussaanissaannut pilersaarutit pilersaarutit naapertorlugit ukioq manna maajip 31-iani piareersimasussaagaluarput.
- Taassuma ataani aamma inuit sumut nuunneqarnissaannut pilersaarutit ilaasussaagaluarput. Suliat tassunga tunngasortaa suli piariinngilaq, siulittaasoq nassuiaavoq.
Aamma tjenestemandit siunissami sumi inissinneqarnissaat pillugu juunip 6-iani ilisimatinneqartussaasimagaluarput, kingusinnerpaamik juunip 30-iani allakkatigoortussaagaluarni, kisianni tamanna aamma pisimanngilaq. Taamaattumik sulisut atorfillit ullumikkut toqqissisimanngillat, Erik Hammeken uparuaavoq.