Skip to main content

Eqqugaaneq qimallugu ataatsimuulerfimmut

Ataatsimuussuseq nukittuunngortitsisarpoq. Tassa Nuummi arnanut nakuuserfigineqartartunut qimarruviup gruppiata filosofiia.

Quleriarluni ataatsimeeqattaartarnissat ataasinngorpat aallartissapput, upernaaq pitsaasumik misilittagaqarfigineqarsimammat taamaasiornikkut arnat attaveqarnerat ineriartortitseqataasartoq imminullu ikiornissamut ikiuilluni.

Arnat, angummik persuttaasartumik inooqateqartut utoqqatsissutit suunngitsutullu nassuiaatit, soorlu "Matumut aporama", ilisimavaat, amerlaqisutigullu ajornartorsiutiminnik kiserliortaqalutik. Kiserliorneq tamannarpiaq Nuup Kommuneani qimarnguimmi ineriartornermut gruppip pilersinneqaqqammersup qaangersinniassavaa.

- Gruppimi ataatsimiittarnissani siunertaavoq illoqarfimmi arnat gruppimi imminnut sulissutiginissaannik periarfissinnissaat, tassa persuttaanerup arnap inuunera aqussinnaammagu, Grethe Siegstad, Nuup Kommuneani arnat qimarnguiannik pisortaq, oqarpoq.

Gruppi ineriartornermi gruppitut namminersortutut ingerlassaaq: Peqataasut namminneq, pisariaqartitsineq malillugu, misigisatik saqqummiuttassavaat, gruppimillu pisortatut ingerlatsissapput tarnip pissusianik ilisimatooq socialrådgiverilu, taakkualu gruppip ingerlaneranut akisussaasuussapput.

- Arnanik persuttaasarneq paquminartinneqarpoq. Arnat imminnut tatiginngitsorujussuusinnaapput imminnullu naleqartinngitsorujussuusinnaallutik, ilaanneeriarlutillu ilaquttatik, ikinngutitik ilisarisimasatilluunniit ajornartorsiumminnik oqaluttuukkusunneq ajorlugit. Amerlaqisut tamanna isertuunniartarpaat oqarlutillu inummut namminermut tunngasut. Taamaattumik aniguinissamik ikiuisuussaagut, arnat ajornartorsiummik nassuerutiginninnissaannik qaangiiniarnissaannillu ikiorlugit, takutillugit akuersaarivut oqaaseqartissinnaallugillu.

Suleqatigiit ilisimasallit suleqatigalugit arnat periarfissaqalissapput ersinerminnik kamannerminnillu samminninnissaminnut, ukiorpassuarni naqisimaneqarsimasinnasunik katsorsarneqarsimanngitsunillu.

Gruppi septemberip 29-ianni aallartippoq. Ataatsimiinneq pissaaq nal. 19.00-imiit 21.00-imut, Meeqqanut ilaqutariinnullu immikkoortoqarfiup C. P. Holbøllsvej 8-mi initaani.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER