Nunap immikkoortortaani ataasiakkaani tuttunniarneq sivitsorpoq
Immikkoortortami 4mi 5imilu tuttunniarneq sivitsorneqarpoq, taamaalilluni novembarip 15-iata tungaanut tuttunniartoqarsinnaalerluni.
Annonse
Sivitsuinermut peqqutaavoq, immikkoortortani taaneqartuni tuttut saluttut amerlavallaat takuneqartarsimanerat. Kalaallit Nunaanni Pinngortitaleriffiup nalilerpaa tamanna tuttut amerlavallaalersimanerannik peqquteqartoq.
- Tuttut ikilisarniarlugit pingaaruteqarpoq tuttut kulavaat aamma toqunneqartarnissaat, taavalu aamma aavartuut norrarnik qimataqannginnissaq eqqaamaniassavaat, Emanuel Rosing, Aalisarnermut, Piniarnermut Nunalerinermullu nakkutilliisoqarfimmi nakkutilliinermut pisortaq knr.glimut oqarpoq.
Sivituineq pinnialuttartunut piniartunullu atuuppoq.
Immikkoortortani 4mi 5imilu nunat sumiittorpiaat pineqarnersut nunagis.glimi pisuussutit uumassusillit-ni takusinnaavat.